نادوا معي=بالأدْمُعِ حُزناً على خيرِ وَلي مَولىٰ علي = مَولىٰ علي أنادي و دمعتي اتسافح دِمه ابعيني =أنه زينب أريد الِّي يواسيني أودِّع والدي و اغيابه عاميني=مشت روحه ولا يگدر يحاچيني قلبي التظىٰ = للمرتضىٰ صوتُ الأسى فليعتلي مَولىٰ علي = مَولىٰ علي رحل عنِّي ابوي و گلبي شب جمره=أصيحن وانتحب يا والد العتره انحمل نعشك يبويه و تنزف الطبره=رحِت و آنه أبد ما فارگ الحسره ذي لوعتي = في دمعتي و الروحُ منِّي تغتلي مَولىٰ علي = مَولىٰ علي على امصابك يبويه الدنيه مفجوعه=و على اخدوده يهل كل شيعي ادموعه و ملايكْة السمه اتشاركنه هالّلوعه=يحيدر من طحت والصرخه مسموعه يا حيدرا = ماذا جرى خطبٌ فظيعٌ جَلَلِ مَولىٰ علي = مَولىٰ علي رزيّة نايبة فگدك إجتنه امنين =و صده جبريل اجه و دوّه يبو الحسنين انهدم ركن الهده و طاحت أصول الدين=انضرب راس الولي و انصابت الثقلين أشقى الورى= قد فجّرا دمعُ الأسى في المُقَلِ مَولىٰ علي = مَولىٰ علي يوالينه اشتظن بعدك يبو الأيتام=على اعيالك تدور و تغدر الأيّام نظَل بعدك يتامه و نجرَع الآلام =يعزنه و يا سندنه و للأسف ما دام يا عبرتي = يا حسرتي نوحاً و حزناً رتِّلي مَولىٰ علي = مَولىٰ علي انحمل نعشك يبويه ودايره الأنظار=و خذَت ذهني و غدت بيه تلعب الأفكار و انه ابأرض الطفوف اصرخ يحامي الجار =أصيحن وينك ادركنه خذتنه النار يا أبَتي = في غُربتي في وحشتي هل تأتي لي مَولىٰ علي = مَولىٰ علي