انطبر حامي الجار= حيدر علي الكرار وقلبي أشتعل نار = من دريت شصار بنتك زينب = وين عزومك يانبراس من لي غيرك = قلي يامفضوخ الراس تدري بحالي يادلالي متيتمه من صغري وعصرت أمي أدور ابالي وإلي صابك هد صبري ياحيدر الكرار = أنهض نريد الثار من يبقالي = جدي وأمي وأنت اليوم ويادلالي = بعدك الحسن مسموم وبعدك الشهيد يابويه تنحز رقبته أقبالي والعباس يجيب المويه ينقتل وضل أبحالي بعدك ياحامي الجار = تدري اشجرى وشصار * بويه قلي = من فرشك اريد أتقوم منهوا مثلي = من صغري تلقيت هموم عسى شل أبإيد الصابك صابك بسيفه المسموم وخلاني أشوف أترابك ودارك وحشه يامظلوم كلنا نريد إحماك = لا والله ماننساك