كل شيعي ابهالليله استبشَر=ابميلادك يا ساقي الكوثر يا بهجتنه=يا فرحتنه ابميلادك يا ساقي الكوثر هالليله بالأفراح =واجب نساهِرها ولجلك تهيم الروح=باصدَق مشاعرها مزدانه هالأكوان =زفَّت بشايرها و الجنَّه ويَّاها=يالتسقي كوثرها بيك اننول الحظ الأوفر=جينالك يا بحر اليزخر و ابجيَّتنه=يا فرحتنه ابميلادك يا ساقي الكوثر بغضك سعير النار=وحبَّك هوى الجنَّه عن مُعتَقَد ويَّاك=لا شك ولا ظِنَّه نعمة محبْتَك هاي= من صاحب المنَّه و بأُمرِته احنه بيك=صدَّقنه و آمنَّه و الآمن بيك اللي استبشر= و عالفطره ايوِدَّك من يجهَر وبفطرتنه=يا فرحتنه ابميلادك يا ساقي الكوثر گال النبي المختار=و اقواله مدروسه من مثَّل ابهارون= منزلته من موسه بذرة ولاءك راد= بالأمَّه مغروسه و الينكر ابنُكران=من نطفه مدسوسه يا فارس خيبر يا قسوَر=انته الهيبه ابشخصك نفخَر و بهيبتنه=يا فرحتنه ابميلادك يا ساقي الكوثر عرش الله و الميزان=و الآية الكبره كل سرهم المكنون=ما غيرك ايفسره وخط السراط اهناك=منهو الذي ايعبْره بس الِّي آمن بيك= بالكوثر اتبشْره لوصار احساب انته التحضر=نترجَّاك ابيوم المحشر وبرجوتنه=يا فرحتنه ابميلادك يا ساقي الكوثر يا رحمة الرّحمان=أعظم واجل نعمه يا وارث المختار=و الأمِّته رحمه باسمك يحامي الجار=شيعتك نتسمَّه حيدر علي الكرار=تتردَّد النغمه يالإسمك أحلى امن السكَّر=ابنغمة حيدر حيدر حيدر و بنغمتنه=يا فرحتنه ابميلادك يا ساقي الكوثر