( البچي امرادي ) الأرض تبچي ونكّست اوتادها=من انغدر زين المله وعبّادها ناحت الدنيه وبچت عين الشمس=وفگدت بحور العلم راعي الدرس أگبلت ليه اتهمل جن وانس=أتناشد المحراب عن سجّادها أطبگ الجفن النهار وغمضه=وما رضه ايشوف المصيبه ما رضه كل هموم الطف تجلّت معرضه=ومن فجيعتها اوصلت وفّادها لمّن السمّ گطّع ابتوت الحشه=وصارت اللوعه اعله گلبه معرشه چنها ليلة كربله أشگد موحشه=من بگت فوگ الوطيه أجسادها ومنظر الما مثله مرّ ولا يصح=دلهم اعليه ومطر دم الصبح من رگه راس الأمام اعله الرمح=والمعاصم جرّحتها أصفادها هذا ابو الباقر يلوج ابلوعته=وذابت ادري من المصايب مهجته لاركد جفنه ولا مل دمعته=ولا نسه اظعون الأسر واضهادها شايل هموم الذي إتهدّ الجبال=من مشه مگيّد عله أظهورالجمال وخله ابوه اموسد إبحرّ الرمال=والعده الصبّت عليه أحقادها من رگد جسمه وتعذب وأنخوه=والچبد من لوعة السمّ إنچوه اتوجه بدمعه لبو اليمه ونوه=بالمنيه ايخبره حل ميعادها عالصدر يابويه گله الهم جثه=اتوجهت روحي الوداعك لاهثه لسه ما ملّت عله امصابك رثه=وحاشه سمّ الچبد عنك حادها والله شنهو السم لون بيّه أنتشر=وشنهو لو گلبي تفسّر وانفطر ما ينسيني أبد گطع النحر=ناره بفادي وحشاي اوسادها أرد أودعك وبجمرعيني اعتنيك=والله كل حزن الگلب يابويه ليك شلون عيني اتبطل المبچه عليك=وهيّه مبچاها عليك امرادها