يـنـسـمِـع مِــــنّ الــزچيَّـه اونـيـنـها          و اعــلـه ونّـتـهـا الـجـلـيل ايـعـيـنها


تـنـسمِع ونّــة حــزِن مـن كـل كـتُر          ونّــــة اﻵه الــــبگت مــــا تـنـطـمُر


صــوت مـظـلومه و تـحلّت بـالصبُر          الله ألــهـمـهـا ابــجــلَـد تـمـكـيـنـها


ونّــت و ونّـتـها مـصـحوبه ابـغـضَب          عـالِّـذي لـمّوا عـلى الـباب الـحطَب


لـو عـلى الـحگ الـذي مـنها انغصَب          صـرخـه بـالـونّه اصـبـحت تـضـمينها


ونّــه تـتـضمّن مـصـايب مــا تــزول          و الـجرت و اتسلسلَت بعْد الرسول


سـاعد الله الـطاهره البضعه البتول          مــن إجـتـها الـلّـطمه صـابت عـينها


ابـعينها الـلّطمه اﻹجـت و اتمركزَت          و الـسـبـب مــنّ الـعـليها اتـعـمِّدَت


هــلِّـي آذوهـــا ابـكـسرها اتـسـبِّبَت          مـــن إجــوهـا الـدارهـا امـروعـينها


روِّعــوهـا و لـوّعـوهـا ابـــلا رحَـــم          وحگها من يوم السقيفه امن انهضَم


مـن إجـاها الـطاغي يـا جُـرمه جرَم          ابـجـرمـته تـشـهـد عـلـيه ضـلـعينها


اشـعدهم اتـعنّوها و اهـيه الـطاهره          و تــوهـا لــفـراگ الـنـبـي مـتـأثِّـره


يــا وسـافه الـصحبه طـلعت غـادره          و ابــغــدرهـم راحـــــوا امـآذيـنـهـا


تــبگه هـالصرخه إلـى يـوم الـحشُر          صــوت مـحزون و ثگب بـيه الـجمُر


لـيـش مـا نـعرف وِسـافه الـها گبُـر          ابـحـيـره شـيـعـتها و تـــدوِّر ويـنـهـا

يــلـعـن هَــلِّــي جــوهــا و الـثـنـين          الـهـادي بـعده و سـاعده امـنصبينها


نـصّـبـوا بـيـها الـخـليفه ابـيـا شــرع          و الـنـتيجه طـلـعوا ابـكـسْر الـضـلِع


كــل فـرِد مـنهم الـمستطمع جـشِع          و الـسـقـيـفـه الــهـالأمُـر تـعـيـيـنها


ومـن بـعَد نصْب الخليفه اتسلسلت          الــشــدد و الآﻻم كـلـهـا اتــرادفـت


زمــرة اهــل الـشر بـعدها مـكتفَت          راح ابـــيِّــن و اســـمَــع ابـتـبـيـينها


إحـنـه لـمَّـن نـبـتدي ابـكسْر الـضلِع          كـــل رزيّــه الـجـرَت مـنّـه تـفـترع


هـــذه واقـــع مــو تَـجَـنّي و نـبـتدع          ابــحـيـدره و الــطـاهـره و ابـنـيـنها


بـعَـد مــا هـشِّـمَوا ضـلْـع الـطـاهره          لـلـرسول اعـتـنت تـشـكيله الـجـره


اتگلــه جـيـتك و الـضـلوع امـكسِّره          و تـشـتكي الـسوط الـشِجَر مـتنينها