راحــت امـنـه الـليله عـنَّه          و الــيـتِـم بــيَّــن عـلـيـنـه
يـخِـوتـي ابـهـاي الـمـسيَّه          أمــنــه وافــتـهـا الـمـنـيَّه


گصــدَت اخـوتـها الـعقيله          طـفـلـه وتــحـس ابـيـتِمها
تـجري دمـعتها اعـله خدها          امـكـدِّره و مـاخذها هـمها
اتـلاوحـت هـالـصوره إلـها          و الــقـدر إلـهـا الـرسـمها
فـــاگده و الِّــي افگِدتـهـا          يـا وسَـف مـا تـدري امـها

اشـتسأل اخوتها اشتگلهم          وهـيَّـه مـهـمومه وحـزيـنه
إلــمــن الــحـالـه كـئـيـبه          وبـيـنه چن حـلَّـت مـصيبه


امـن ابتدت دمعتها تحچي          انـمزجت ابچلـمات طـفله
اشـبـيـها حـزنـانه وكـئـيبه          و الأمـــر چانـــت تـجـهله
إلــمـن اتــحـس ابـيـتـمها          و الــدمـع ســافـح تـهـلَّـه
الـهالسبب لـخوتها راحـت          كــل اخــو گامــت تِـسِأْله

خـويه لـيش الدنيه ضاگت          واحــنــه چنَّــــا اتـيـتـمينه
جــاوبــوهـا يــــا إخــتـنـه          مــاتـت ابـهـالـليله أمــنـه


إخــوه وايـخـبرون اخـتهم          و بـيِّـنـوا إلــهـا الـفـجـيعه
أمــنـه مــاتـت يــا إخـتـنه          و مـن بـعدها انضيع ضيعه
الـها الـسبب يختي نخبرچ          ضــاگت اويــاچ الـوسـيعه
امـكـدِّره الـدنـيه ومـحزنه          مـن غـياب امـنه الشفيعه

راحــــت ابــونَّــة ألــمـهـا          و بـيـها حـسـرتها الـدفينه
تـخـفـي ونّـتـها ابـصـدرها          وانگضــت رحـلـة عـمرها


الـتفگد امـها ابهٰذي صوره          مــو سـهـل يـخمد فـزعها
اتـذكّـرت بـالـباب طـاحت          مــن جـسَـر ذاك الـدفعها
و ظــلـت اتـلـوج ابـألـمها          و الألـــم كـسـرة ضـلـعها
اتـلاهـبَت مـنـها الـمـحاجر          دم غــدت تـهـمل دمـعـها

وصـاحـت ابـهـاي الـنوايب          يــخـوتـي بــيـهـا ابـتـديـنه
يـخـوتي مـن دفـعوا امـنه          لـلـشـدد إحــنـه احـتـزمنه


اتـوجِّـهـوا لـمـهـم سـويَّـه          و منها وسفه الروح راحت
الـتـمَّـوا اعـلـيها ابـحـزنهم          و الـعقيله ابصوت صاحت
يــمــه ردي اعــلـيَّـه ردي          ذاهـلـه ابـهـالحاله طـاحت
آنـــه زيــنـب آنـــه يــمـه          و الـنـوايـب لــيَّـه لاحـــت

تـوني يـمه ابـبادي عـمري          و الگلـــب أعــلـن ونـيـنه
و الـحسن و حـسين يـمچ          و آنــــه ويَّــاهـم أكــلـمچ