فگد ابو المهدي الليله= لاجله دمعنه انسيله
للعسكري للعسكري= للعسكري للعسكري
وين الموالي الذي ايواسي العتره=يهمل ادموعه و يتحسَّر ابحسره
هالليله ليلة فاجعه و هالذِكره=نحييها بالأحزان وهلّ العبره
شيعة علي مفجوعه= وين اليهل ادموعه
للعسكري للعسكري= للعسكري للعسكري
كل شيعي روحه ابسامرَّه الليله اتحوم=ابصرخة أنين ودمع من دم مسجوم
ابلوعة موالي ايون لامامه و مهموم=حيث ابو المهدي بيها ارتحل مسموم
للعسكري و غيابه= آيالحسن و امصابه
للعسكري للعسكري= للعسكري للعسكري
اگلوب التحب العسكري مجروحه=و ابخدها دمعتها جمُر مسفوحه
إبن الإمام الهادي غابت روحه=و الكون كلَّه ابهالمصاب اينوحه
إبن الإمام الهادي= و هالليله الشيعه اتنادي
للعسكري للعسكري= للعسكري للعسكري
غايبنه يندب والده ابحسراته=والده راح و يجري دم عبراته
الله يعينه اشيحتمل لوعاته=واجب الشيعه اتواسيه ابمأساته
الله يعين الغايب= محتمل گلبه امصايب
للعسكري للعسكري= للعسكري للعسكري
واجبنه نتعنَّه إلى سامرَّه=كل واحد اينوح و يوسِّم صدره
كل المصايب تحضر بيها الزهره=و الما يواسي الزهره با طل عذره
ياشيعه واسوا الزهره= و خلنعتني السامرَّه
للعسكري للعسكري= للعسكري للعسكري
عــــدد الأبـيـات
22
عدد المشاهدات
2483
تاريخ الإضافة
28/01/2012
وقـــت الإضــافــة
8:30 صباحاً