ألّمنه اغيابك يا طاها= مأساة و يِصْعَب نِنساها ويَّه الزهره= نجري العبره مأساة و يصعب ننساها لغيابك يالهادي ابألم= نتألَّم و نتحسَّر جمره و تظَل طول العمر= ما تخمَد و تتوجّر تتجّدد بينه امصيبتك= كلما إلها نتذكّر مثْل الزچيَّه الطاهره= ذايب گلبنه امفطَّر ويَّه الزهره انهِل الدمعه= و صوت اونين ابلوعه انرفعه وابكل حسره= نجري العبره مأساة و يصعب ننساها نعشك يهادينه انحمَل= و منّ الزهره اتعاله النوح يا والدي اتنادي ابألم= اشلون اتخلِّيني واتروح يا ريت اموتن وارتحِل= بعدك ما رِيْدَنْها الروح و گبلك يِوَسْدوني الگبُر= و لا إنته ابلحدك مطروح ما تِغْمَض عيني و لا تِهْجَع= ليل انهار اتهِل المدمع الزهره امكَدْره= نجري العبره مأساة و يصعب ننساها عِتْرِتَك من بَعدَك تظل= ابكل المُصايب تنصاب واتگاسي آلام و محن= امن التي اترِد عالأعقاب أوّل مُصيبه الطاهره= من تنعصر خلف الباب و حگ الإمامه ينغصُب= من الوصي داحي الباب كل العتره اتشوف امصايب= و دمْع الأحزان ايظل ساچب ويَّه العتره= نجري العبره مأساة و يصعب ننساها يالهادي من رحْت اشحصل= بضعتك ما رحموها هجموا عليها ابلا رحم= و ابكل حقد عصروها و لا أبد ما چنّك گلِت= حِشْموا البضعه و راعوها ابمؤتمر شورة ساعِده= رِسْمَوا خطّه ونفَذْوها شنبيِّن من فعْل اصحابك= و اشعملَت من بعْد اغيابك من هالغَدره = نجري العبره مأساة و يصعب ننساها و تسلسل اهموم و شِدد= اتخلِّي الموالي محتار من بعَد عصْر الطاهره= ينطبُر حمّاي الجار و من بعده ينسّم الحسن= واحسين اينحره البتّار ابكل هالنوايب تنفجع= من تستِمِع يالمختار أرزاء و يصعَب نرويها= من أمَّه الغدرَت هاديها من كل ذكره= نجري العبره مأساة و يصعب ننساها