راح المصطفى اتنادي الزچيَّه= و دمعتها جَريَّه مهمومه و حزينه ابهالرزيَّه= و دمعتها جَريَّه رحَل عن المدينه الهادي واتغيَّب= و بيها الحزِن خيَّم مُصيبه و النوايب منها تِتْشعّب= تحوي الألم و الهَّم تخلِّي كل گلب بَحزانه يتلاهَب= فگد النبي الأكرم أعظم نايبه و حلَّت علينه= من غيبة نبينه تنعه البضعه يا خير البريَّه= و دمعتها جَريَّه يِعين الله الزچيَّه اشلون حالتها= حسره ابأثر حسره لو طُول العمُر تتجاره دمعتها= ما تنشف العبره والدها ارتحل ما تطفه جمرتها= جمره و أشد جمره گلب الطاهره اتوجَّر لهيبه= من هاي المصيبه و ونَّتها اعتلت حسره شجيَّه= و دمعتها جَريَّه انحمَل نعش الرسول وحگها تتحسَّر= مو سهله الفجيعه دمْع العين يجري ابحرگه يتفجَّر= و محزونه الوديعه ابوها يندِفن و الحاله تتغيَّر= و تِظْلَمّ الوسيعه صعبه غيبته و ما تحتملها= و لا شدَّه مثلها مهمومه تِظَل صبح و مسيِّه= و دمعتها جَريَّه شدَّات و محن تلگاها بِغْيابه= أوَّلهِن العصره حين اليندفِن و اتبيِّن اصحابه= من تظهر ابغدره ما تحفظ رسول الباري و اكتابه= ابِعَصْرتها للزهره و اتخاطب أبوها سگطوني= بالباب اعصروني و اتگله شفِت منهُم أذيّه= و دمعتها جَريَّه عمُرها اتريده يخلص بالعجَل ترحل= و لا تبگه حزينه بعْد المصطفى اشتترجّه تتأمَّل= لوعتها دفينه و الأحزان ثوب اعليها و اتفصَّل= و ابحُكْمّه رهينه و كل العتره تنصاب ابرزايه= و اتلاگي المنايه و الزهره تصيح ابكل منيَّه= و دمعتها جَريَّه