والــدة وحگهــا لابـنـها اتـصيح مـهمومه         تــبچي و تــوِن ابـنِـياحه ابـونَّـه مـكتومه
مـات ابـنها الـمجتبه ابـلوعاته و سمومه         اتنادي من حرگة گلبها و دمعه مسجومه



نـفِس ذيچ الگوم كـلها ابـيوم عـصْروني         بـالـغدر دسَّـولـك الـسَّـم بـيك فـجعوني
مـثل وجـهك وجهي ذابل منخطف لوني         و الـذي سـمَّوك يـبني ابـضلعي صابوني



دهـــرك ابــآلامـه والــهَّـم مـنَّـه لاگيـتـه         بـالـنـوايب و الــرزايـه ابـلـوعـه عـانـيته
احــزام صـبـرك بـالـشدايد إلـها شـدِّيته         و بـالأخير الـسّم جـرعته ابـصبُر گاسيته



و الـفجعني امن انحمَل نعشك يشيعونه         اتـجـمِّعت أهــل الـحقد بـسهام يـرمونه
جـسمك امـن الـدفِن يـم جـدك يمنْعونه         وانـته أولـه اويـه الـنبي جسمك يدِفْنونه



گبـري مـخفي و إنـته يبني گبرك امهدَّم         مـن أشـوفه اويـه الأرض متساوي أتألَّم
وسَـف نـورك نور الهي و مرقدك أظلم         انـدعـيـلك يـنـتـقم لــك ربــك الأعـظـم



هــذه يـوم امـصابك و يـم گبـرك اتـعنَّه         و الــذي ايــروح الـبـقيع و يـسمَع الـونَّه
هـذي ونْـتي اعـليك اونها ابعبره و ابحنَّه         و الله يـالـمسموم نـوحي مـا أمـل مـنَّه