يا ابا الفضِل تسمعنه=يم گبرك اتجمَّعنه ما عدنه ويّاك عتاب=نترّجه يبن الأطياب للموطن اترجِّعنه .. هاي احنه يمَّك يا گمر= تسمعنه يمّك زوّار نشكيلك اعلينه اشصار .. لنَّك كفيل العايله و= امعَيِّنَك حامي الجار تحمينه من الأخطار .. و انته الكفيل المنوصف =بالمرجله و بالإيثار و انته الغيور المغوار .. ما ضنِّتي يمشكَّر=تسمعني و تتعذَّر إنهض يبن داحي الباب=نترجّه يبن الأطياب للموطن اترجِّعنه .. جيتك يخويه الكربله =ما اعتب اعليك ابلوم يا خويه من گبرك گوم .. جبت الضعينه اللي مشَت =يمّك إجت هذه اليوم ما بين الگبور اتحوم .. مجروحه من جور الدهر= و تحمِّلَت كثْره اهموم شيداوي جرْح المهضوم .. تدري يخويه اشبينه=محَّد بگه يحمينه بعْد اﻷهل و الأحباب=نترجّه يبن الأطياب للموطن اترجِّعنه .. يا خويه ظلينه ابأسَف =ابجودك إلك من جينه ما ندري ياوالينه .. لمَّن گصدْت المشرعه= كل گصدَك اتروِّينه شيمة عُهودك بينه .. لو ندري لينه ما ترد= سالم يخويه اعلينه چان احنه متعنينه .. و متگطِّعت الچفين=و ما ينكسر ظهر حسين جينه و تعرْف الأسباب=نترجّه يبن الأطياب للموطن اترجِّعنه .. يا خويه لو تدري شحصل =چان انهضِت من گبرك إنهض نريد نخبرك .. لمَّن طحِت عالمشرعه =و الرايه خويه ابكترك و احنه ابأمل ننتظرك .. لكن يخويه اللي صعَب =حسين الغريب اينظرك ظهره اليسنده ابظهرك .. اوحيِّد بگه ابين اشرار=ما عنده إخوه ولا انصار من هالوضع گلبي ارتاب=نترجّه يبن الأطياب للموطن اترجِّعنه .. لمَّن طحِت فوگ الترُب= و هجمَت علينه العدوان متعنيَه صوب الصيوان .. سلبَتنه حرگت وانهبت= حتّه العليل الوجعان دِهمَت عليه النيران .. و العيله شردت هايمه =ما ظل خدر لاوليان منهو اليردها الأوطان .. و اليوم اجت يم گبرك=تشكي و تريد اتخبرك اشيجبُر گلبها المنصاب=نترجّه يبن الأطياب للموطن اترجِّعنه ..