يختي جيتچ و آنه مكسور الگلب= جيت اودعچ وانزل ابروحي الحرُب بعد ما عندي شباب الِّي بگت= كلها عالغبره هوَت و اتذبّحت و هاي سبعين الِف بيَّه استفردَت= لا نصير العندي و الموقف صعُب رايتي الچانت ترف بيد الگمَر= من سگط يم النهر ظهري انكسر طيحته الأثّرت بينه اعظم أثَر= چان وكْت الشدد هوّه الينطلب يختي و انتي الصابره المتحمِّله= اشما جره اعلينه و سده ابطف كربله العايله أوصيچ بيها العايله= امودّعه بحماچ بديار الغرُب يختي لو شفتيني وسْط المعمعه= و المثلَّث صاب گلبي و گطَّعه و على النهضه بعد ما بيَّه سَعه=لا تجزعين و دموعچ لا تصُب يختي لو شفتي الشمر ثنّى الركب= فوگ صدري و سيفه يم نحري گرَب نادي قربان الك ضحّينه يَرب= و راسه فوگ الرمُح رايح ينصُب يختي لو شفتي إجت غارة الخيل= صوب المخيَّم تره بيها العليل لو يشوفونه العِده تِرديه چتيل= و الإمامه يختي من عنده الصلُب يختي من تمشين عنِّي ميسّره= سَلِّمي اعلى اجسومنا الفوگ الثَره و اذكري العباس سبْع الگنطره= اعلى الشريعه وانتي متنچ ينضرُب