تَوْبتُنا أَمْ توبةُ الحُر؟ يا مَنْ ﮔضيت اسنين=عَايشْ علَى الآثَام شُوف الإجَا لحْسِين=تايبْ يهبْط الهَام كلْمَنْ نُوَى التُّوبه .. يقْلَع عنِ اذْنوبه .. يلْ تكَضي دَهْرك=تعْصِي وأبَد مَتْخَاف واتْظِن إِلهَك=عنّك سهى ومَا شَاف يا ساعه ترجع=للْيملك الألْطاف اوتاخْذ مَواعِظْ=مِنْ سِيرة الأشْرَاف ربّك عظِيم ايشُوف =واشْتعمل ابدنياك اولا يعْتريك الخوف=مِنْ ربّك الْسَوّاك كل وَاعِي مطلوبه .. يقلع عنِ اذْنوبه .. هالدّنْيا بيها=اشكَد مُغْريات اتلُوح واتظِنْ يسَاهي=فعْل الذّنِب مسموح تحيا ابعاصي =وامرك صبح مفظوح والرّبْ يشُوفك=لمّنْ تجيْ واتروح كلْمَن نسَى المعبود =وايجاهر ابعصْيان لابد يشُوف اشْهود=من تلْتظي النيران اعماله محسوبه يقلع عنِ اذْنوبه تندمْ وسَافه=مِنْ ذنبك الْسوّيت اوتعلنها تُوبه=وما تعصي ربّ البيت وﭼنّي اشوفك=الفعْل الذّنب ردّيت وﭼنّك تصرِّحْ=يا ذنبي لِكْ حنِّيت ما تِصْدِﮒ ابأفْعال=بسْ تحﭽي بالأَقْوال شُوف الّذي ابهالحال=رَاح الإمامه اوﮔال عَبْدك رِجَا التُّوبه .. يقلع عنِ اذْنوبه .. الحُرّ الرياحي=لحْسين اجَا ندْمَان واترجّى مِنّه=يغفرْ لَه الدّيّان هُوّ اللّي جَعْجَع=ركْب الحمَل احزان وهو التِجَرّا=وناصَر بني سُفيان كل هذا رَاد ايْتُوب=وايْناصِر المظلوم واصبح أمُرْ مكتوب=مِنّ اللّه القيّوم مَا دنّس ابثوبه .. يقلع عنِ اذْنوبه .. بُواليمّه ﮔلّه=ايتوب الإله اعْليك فارس تجيني=وانا اللّي أعلم بيك للحومه تطلع=وعين اللّه اتباريك بالجنّه تدري=الله الذي ايْجازيك والحر تفانى اردود=وَيْ جملة الأنصار وحاز ابرضَا المعبود=ابنصرة بني الكرّار يتفدّى محبوبه .. يقلع عنِ اذْنوبه .. شُوف الإراده=مِن صفوة المظلوم كلْهم نشامه=بذلوا مهج وادموم والحرْ تسامى=واتخلّد الْهالْيوم واحنا الأخذْنا=منهم درس معلوم خَلْ نتْبَع الأخْيار=اولا نتْبع الطّاغين وانا الأذيع اخبار=ينجى اليحبّ احسين تتفاوح اطيوبه .. يقلع عنِ اذْنوبه ..