يــا بـويـه اوحـيده عـفتوني          يــا بـويـه اعـلـيله تـدرونـي
مــــنــــهـــو الــــيـــمِّـــي          يــــحــــمِـــل هـــــمِّـــــي

يــا بـويه اعـليله و مـحتاره          مــــن ارحــلِـت ولـهـلـيوم
و الـونـين امـنـحِّل جـسمي          ولا جـفـنـي طـــبَگ لـلـنوم
سـهـرانـه بــويـه او أنـتـظر          بــفــراگك گلــبـي مــالـوم

عـالدرب مـشبوحه عـيوني          يــمـتـه غــيّـابـي يـلـفـونـي
و آنــــــــــه وحــــــــــدي          بــــــوطـــــن جــــــــــدي

يـــا بــويـه طـالـت الـغـيبه          يـمـته تـعـود امــن الـسـفَر
لا طــارش لا مـكتوب اجـه          يـــا بـويـه بـيـكم اشـسـدَر
و آنــــه الـمـلـتهب دلّالـــي          والگلـب مـن عـندي استعر

آنــه اعـلـيله او فـارگتـوني          و بـهـالـمـحـنه حــيّـرتـونـي
آيـــــــــالـــــــــوالــــــــي          شــــــاهـــــد حـــــالـــــي

يـــا بــويـه الـبـعـد فـرّگنـه         إلــمــن اعــتــب اعــتـابـي
و الـــدار ظـلّـت مـوحـشه          و واگف عـالـبـاب اعـرابـي
يـنشدني ويـن اهـل الـكرم          گتـــلــه ذولـــــه غــيّــابـي

وحـــدي بـهـالـدار خـلـوني          و يـاريـت اويـاهـم أخـذوني
ابـــــحــــرگه اتـــحـــسّــر          مــــــــــــن اتــــــذكّــــــر

الأعــرابـي لــمّـن خـبّـرني          نــيِّــتـه صــــوب لــعــراگ
رفــــرف يــابـويـه دلّالـــي          مـــن بـعـد طــول افــراگ
يـــا ريـتـه ايـوّصـل كـتـابي          گلـبـي الـشوفتكم مـشتاگ

خـطّـارك بـويـه ايـنشدوني          و لـوحـدي آنــه ايـشوفوني
آيــــــــــــا اعــــــرابـــــي          إخـــــــــــذ اكــــتــــابـــي

يــا بـويـه مـن غـبِت لـليوم          چنِّـــــي اتــصــوّر كــربـلـه
وانـتـه اوحـيِّـد بـيـن الـعـده          و ويَّــاك اطـفـال و عـايـله
واخوتي صرعى اعله الترب          و عـمـومـي كـلـها امچتِّـلـه

لـــو ردت ابچي لـتـلوموني          ومن دم أهمل دمع اعيوني
آيـــــــــالـــــــــوالـــــــــد          چنَّــــــــــــك مــــــتـــــرِد