أخذ دمي وعاين زين قطراته = تلكه حسين أسمه ابكل كرياته أنه عابس زماني الكل يعرفوني صدكني وخذهه أحچايه من عندي=لومك مايفيد ولاتظن يجدي يظل حسين دمعه وتكتب ابخدي=وبقى عسكري وبهالدرب جندي لو كلبي وكف متموت نبضاته =ولون ماتصغي هم تسمعهه دكاته وقبلك مني ملوا تالي عافوني=أنه عابس زماني الكل يعرفوني لون تشلع اعيوني تبقى سچابه=دموم اتسيل لجل حسين ومصابه سر هذا العشك ماتدرك اسبابه=وحذرك كل جرح من ينفتح بابه مايوكف نزيفه وسيل يتفجر =وخصوصاً دمي لني ناذره لحيدر وبدربه أموتن أهلي وصوني= أنه عابس زماني الكل يعرفوني ولون تكطع لساني تصرخ انفاسي=يبقى حسين عمري واغله كل ناسي ومنو أنته يواهي وتفهم أحساسي=حسيني ابصبري انه ابزودي عباسي رافض أفتخر لمن تسميني = وما أصغي لكلامك ونته تدريني وتحداك تكدر تفهم أجنوني=أنه عابس زماني الكل يعرفوني وذا ظنك ابتفجيرك تخوفنه=تعال أصدور ألك مفتوحه فجرنه ولبو اليمه قليله لويصب دمنه=ونهتف نبقى يحسين ابضمايرنه من ولدتني أمي ودم تهل عيني =وذا تسئل صدك ابچي لحسيني انه المجنون بابن الزهره سموني=أنه عابس زماني الكل يعرفوني من زغري ورسمت حسين بعيوني=وعله حبه وغرامه أهلي ربوني من تالي أعوف حسين تردوني=بعيده هاي ما اخضع تعرفوني مشيت انه ابطريقه وبعد ما أرجع = أريد حسين أشوفه وجري المدمع طبعي طبع شيعي ماتغيروني=أنه عابس زماني الكل يعرفوني