( جواب هاجر ع ) هاجر يوم سمعت بالعقيلة .. تنادي حزني مايحصل مثيله .. تعنت للطفوف اتريد بالعين=تشوف اشلون زينب بعد الحسين من وادي الطفوف وسط الأخيام=ومن يم جثة الأكبر وجسام أنمزج صوت العقيله ابدمع ألالام=وضهر من كربله وتخطى الأيام ولهاجر وصل هالصوت گلهه .. زينب ضيعت بالطف أهلهه .. مو واحد خذاهم كلهم البين=تشوف اشلون زينب بعد الحسين وهاجر طير شافت يذرف ادموم=وتبعته وخذاهه الكربله اليوم شافت حرمه تعثر ساعه وتكوم=ومثل اهلال محنيه امن الأهموم ماصدك وچذب ناظر العين .. التعثر هاي أخت عباس وحسين .. چاوين الكفلهه والخدر وين=تشوف اشلون زينب بعد الحسين ظلت هاجر أبدهشه تعاين=تشوف اجروح بس الله الحصاهن كالت حزني وي زينب شقارن=جرح مر بيه وعيوني عماهن أنه ابني انجرح والهم غطاني .. ومن عنده سبب موتي لفاني .. شحال الفاركت واحد وسبعين=تشوف اشلون زينب بعد الحسين تشوف ايتام يمهه وعلي السجاد=وحرم مفجوعه تنحب يم الأجساد من الخيم ماظل غير الأرماد=وصاحت ها يزينب وين الأولاد لاجاسم اشوفه وعلي الأكبر .. ومشتت ضعنكم ليش بالبر .. ذبح كلهم كظوا لا لا تكولين=تشوف اشلون زينب بعد الحسين صاحت هاجر ولطمت عله الراس=تضربون الأميره اشلون يرجاس أخت حسين هاي واخت عباس=بدلهه أخذوني للشامات ياناس وبالسوط انه ضربوني اعله متني .. وقبل اطفالهه ياريته أبني .. ولا انظر دمعهم عله الخدين=تشوف اشلون زينب بعد الحسين ولمن هاجر اتقربت منهه=عليهه هانت امصيبة ابنهه نست هاجر مصيبتهه وحزنهه=من شافت أثر سوط ابمتنهه وصاحت وين ابوفاظل يزينب .. نادتهه عله الشاطي تخضب .. ظل اعله الشريعه ابلايه چفين=تشوف اشلون زينب بعد الحسين أذا أهلچ هذوله العالترايب=الله يساعدچ يم المصايب صعب ماينحمل فكد الحبايب=وصدك حزنچ صبح اعله المراتب يزينب مايمر عالبال حتى .. مصابچ والله للدلال فته .. مابين الجثث وحدچ تنوحين=تشوف اشلون زينب بعد الحسين يزينب بعد ما ابچي عله ابني=من اليوم حزنچ صار حزني وقبل متنچ يريت انصاب متني=ومثلچ سهم عبدالله ذبحني كل دمعه يزينب مني اصيح .. سلام الله عليچ ابعبره واطيح .. وين أنتي يزينب والميادين=تشوف اشلون زينب بعد الحسين