شعراء أهل البيت عليهم السلام - أمّن يجيب .. ؟

عــــدد الأبـيـات
20
عدد المشاهدات
4273
نــوع القصيدة
عامية
مــشــــاركـــة مـــن
تاريخ الإضافة
23/08/2011
وقـــت الإضــافــة
9:17 مساءً

أروي هالليله روايه و ادري جوهرها عجيب=عن ثلثميّة يتيم اجتمعوْا ابونّه او نحيب سِمعوْا ابجرح الأمير او شخّص الحاله الطبيب=بالحليب ايجوز يشفه او يمكن اصوابه يطيب الهالسبب كلمن تعنّى او بيد چاس امن الحليب=او لجلك الآيه الشريفه تنقري { أمَّنْ يُجِيبْ } يا حيّ او يا قيّوم إشفي حيدر اليوم=لو عالأقل خلّه يظل و ايتمّم صيامه ! إفتح اعيونك علينا او خلّه يرتاح الضمير=و اجبر ابْطلّة جبينك بينا هالگلب الكسير إطلع اتفگّد وضعنا يا مُجير المُستجير=و ارجع او ضيّگ لثامك , و اترس اچفوف الفقير يا أبو الأمّه او شهدلك بيها هادينا البشير=او لو تموت الليله يعني كلنا أيتامك نصير عن هالدنيا راحل يا كهف الأرامل=عگبك بعد من بالشدد ترجعله الأيامه ؟ و الحسن لمّن سمعهم صب مدامع عبرته=ينظر ابعين العقيله و العقيله نظرِته اتحزّم ابثوب العزا او برْگبته لفّ اعمامته=او لليتامه گام يشرح عن أبوه او حالته گال ما أخفي عليكم ... و اختنگ من چلمته=طبرة الطاغي ابولينه وصّلت نُص جبْهته گال او صوته مبحوح باچر حيدر ايروح=اشينفع دوه للي نوه يرحل للقيامه ؟ من شفت حال اليتامه او منها يتعالى الونين=هامت الروح ابفكرها او ذكْرَت ايتام الحُسين هذه كوفه , او ذيچ كوفه , و الفرق بين الثنين=اهنانه تتلگه العطف و اهناك مچتوفه الإدين اهنانه بس سِمعوْا خبر عن جرْج امير المؤمنين=او هناك شافوْا راس ابوهم و الحجر صكّ الجبين او من صكّوْا جبينه التفتت له اسَكينه=او صاحت وسف دمّك نزف يا حلو الجهامه آه يالكوفه او خبرها الخلّه مدمعنا ذروف=او ما أبالغ لو أگول الكوفه أقسى امن الطفوف ريتك اتظل يا ولينه او تحظر ابعينك تشوف=زينب اللي دلّلتها ابديرة الشامت تطوف دخْلت الكوفه يسيره واهيه عالناگه العَجوف=و الأعادي استقبلوها بالغنا او ضرْب الدُفوف و الشامت يجيها و ايأشّر عليها=سبها او شتم او مثل السهم صار الها كلامه
Testing