كل شيعي ناداك ابْگلبه=ابحبّك فُزتُ و ربّ الكعبه و البيت المَعْمور او سرّه=و الفجْر او أيامه العَشره حالِف من گلبي أتبرّه=لو من عندك بطّل حُبّه يالحُبّك غذاني ابصغري=ما عوفك لو گطعو نحري تربيتك يا حيدر تدري=اشلون اللي ايحبّك يتربى يالمِسْتشهد لجْل اسلامك=إحسبْنه ابْزُمرة خدّامك فدوه انروح التُرْب أجدامك=يا وجه الله او عينه او جنبه عهْد او يتجدّد من الذر=يبگى اويانا الْيوم المحشر صوتي اينادي حيدر حيدر=و اسمك بالدم كون انكتبه فاز اللي ايحبك و ايودك=ياللاذ الإسلام ابسَدّك يا بو احسين او كل من ضدك=مشبوه النطفه امن اتنسبه مشبوه او مطعون ابأصله=لو رايد روح انشد أهله تلگاها ابأجداده العِلّه=معروفه او مفهومه النسبه