مصباح ألإمامه « شيعتي» نور النبوه بمصابيح الإمامه يزهر ابمشكاة = قدسية الذات اوذات القدس ذات الإمامه العبقريه انفتنت ابها النور روحي = وانشغف گلبي ابوداده فكري ماحلل المعنه = اشما بذل بيها اجتهاد واكتشف هالنور عگلي = اوعلى الإيمان اعتقاده إيماني نور ناظري ابتأويل آيات الوحي = يبتدي النور او ينتهي إوهالنور بيه الدجه استشكف ظلامه إو بالعالم ينور = نور على نور مبدئه الهادي او ينتهي با ( المهدي ) ضيه سار بالإيمان عگلي= اوطلب هالنور او ضياءه ابّرج كل مشرق او= مغرب ما لگه زهرة بهاءه لچن شاف النور ساطع =من سنه القدره سناءه لا يأفل او لا ينخسف ليغرّب او لا ينكسف = ابضيّه الضلاله تنكشف هالنور بيه الهده اتأيد قوامه ابأفق الشرف لاح = هالنور مصباح سرمدي او يزهر بالأنوار السرمديه لعد هذا النور گلبي = شاهده ابناظر يقينه ابكل نبي هالنور چوچب = سعد واينور ابجبينه اوبيه برهانه او دليله = اوآيته اوسلطان دينه هالنور تصديق الرسل هالنور مرآة العقل = هالنور منهاج العدل هالنور بهجة گلب روح الكرامه هالنور قنديل = هالنورإكليل هالنور زينه منظر اخلاق البهيه لعد هذا النور لمن = تنظر ابناظر يقينك ينكشف ياصاح منك = كل حجب واتنور عينك يصير إلك مرآة بيها = اتشوف أصل او فرع دينك هالنور مرآة الورع هالنور بالحكمه سطع = هالنور بالرحمه انطبع هالنور وابجبهة المؤمن علامه هالنور إيمان = هالنور برهان هالنور وجدان الأفلاك العالميه هذا النور اللي تجلت = بيه آيات الهدايه هذ نور البيه سارت = على التوفيق البرايه هذا نور البيه تشوف = العين (ديجور)(1) المنايه هالنور للدارس بصر هالنور للضامر نظر = هالنور نبراس الظفر هالنور سايق العالم للسلامه هالنور تهليل = هالنور (تنزيل)(2) هالنور شفره او تگص عود الجاهليه شطر من نوره الباري = نور لرباب السياده اوزين اربوطعش چوچب = بيه بسرار الإراده ما برج لم هالچوا چب = ما عدا برج الشهاده هاي الشهاده انصاغت امن التكوين الله گوس الدهر حكم اسهامه بگلب الموالين = الفگد الميامين اوظل اليواليهم يجرونه خفيه اشلون عين المحب تنشف = والگلب يهفت لهيبه والدهر كل يوم يرمي = الفاطميين ابمصيبه او ينفجد منهم عجيد = اويثگل العالم نحيبه منهم ( الهادي ) الما يهون امصابه=منهم اللي ساجد هوه ابمحرابه منهم الطاح امن الضلع واصوابه=احا يكسر الضلع وجر ضرامه بالگلب چانون = والزلزل الكون سَگط الحمل مرد اگلوب الفاطميه يالمحب لو تخم گلبك = تلگه بي چم جرح دامي او تنسه شرب الماي حتى = تموت مثل حسين ظامي او على امصاب أهل الرساله = الهدف صاروا للمرامي منهم البالسم هرش چبده اتگطع=منهم الجسمه بالسيوف اتوزع احا يمتن البالسياط اتلوع=أحا يحال العليل او باليتامه متگلي اشلون = تغمضلك اعيون يالمحب من تذكر امصاب الغاضريه يالمحب فتش دليلك = شوف بيه اجروح كثره امبضعه ابحربة البيها = حزوا امن الطفل نحره او سهم المثلث ابگلبك = خلفت نيرانه جمره أحا يصدر السحگته الخياله=أحا على الظلت غريبه اعياله احاعلى الأمست يتامه أطفاله=أحا على الغسلته ادموم الشهامه والچفنه الريح = حن يالمحب صيح أحا على المتوسد أتراب الوطيه أصواب البگلب الموالي = ايضهده وايهيج ونينه اثر امن اصواب سهم = الصاب ابو فاضل ابعينه واگطعت آمال زينب = شفره الگطعت يمينه الله يصواب المضه امن العامود=الله ياسهم النفذ صاب الجود الله ياعز العيال المفگود=الله ياطيحة الحرگوا اخيامه الله الله = عالخدر وحماه الله لو نشبت مخالبها المنيه