ما نزل في القرآن من الثناء في مدح (أصحاب الكساء) «هجري» وجدان هذا العالم وتكوينه = للخمسه والخمسه وجود العالم والعالم إلها وبيها هاي منظومه ومعاني= الخمسه بيها إتوصفت أبجد الحرفي وحسابي= وبالرموز إتنظمت إهنا يهالمستمع = إصغي إلهالمعاني لو بدت وحروف أبجد لو ردت تحسبها = إبضمن ألأبيات ألآتيه تسمعها بس فكرتك صفيها (الميم) منه بدت رحمه =وعله المخلوگ إشملت (الح) حياة إنتجت منه =وروح ألإسلام أنشأت إبثاني(ميم) إمياه قدره= (الدال) دوحتها روت هاي الحروف ألأربعه المذكوره = الميم ح والميم دال إخبطها وإنته إتعرف صافيها أل(ع) عالكفار صارت= سيف بالروس إحصدت أل(ل) للباب إقلعتها =وأفنت الما وحدّت أل(ي) يد ألله وعله= يدّ المشركين إمن إعتلت بالقلم يا راعي القلم من تجمع = حروف الثلاثه وتفتح وتكسرها يظهر إسم راعيها (الفاء) فاطم من تمسك= بالولايه من النار (الط) طريق الجنه واضح= سمح للإسلام صار (الميم) منها إهدعش چوچب= زهت بالعالم أنوار بهاي الحروف العبقريه تظهر = صدّيقة الطاهره ومن التكوين رب العلى إمسميها (الح) حلم وإحسان صار= ومنه الكون إنشحن (السين) سن الكرم سنّه =وشعّت إبعين السنن (النون) نعمه وفاز بيها= إللي تمسّك بالحسن هاي الحروف الحسنه من تحسنها = إبفن القراءه وبفضل راعيها نور الحسن جاليها أل (ح) وحّد فروع ألأحكام =وشيّد أركان ألأصول أل (س) سد خلة املّه اللي= بدت عگب الرسول أل (ي) يقين (النون) نور =الهده الساطع ما يزول بأربع حروف إتركبّت هالمعنه = أولها (ح) و(السين) و (اليا) تتبع و (بالنون) إخذ تاليها أنشأ المعبود خمسه= وجعل بيهن هالصفات (ميم ح) و (الميم دال) =أنشأ محمد للنجاة و(ع ل ) و (ي) جمعها =علي وللمشرچ ممات بحساب أبجد لو ردت تحسبها = ميتين وإثنين الثنين إتساوي والفاكره إتساويها وأنشأ الدوحه النور =النبع من عدها النمه وفازت الشيعه إبثمرها= وأزهت ألأرض وسمه (فاء) (ط) و (الميم) (ه)= بالاجمع صارت فاطمه بالخمسه وثلاثين ضيف الميّه = وهاي ألأعداد إرموز إسم الزهره إبفنّ العلم تلگيها وأنشأ ألأنشأ الجود =وفيّض الكون إبكرم ورضع من ثدي ألإحسان= ومن ثدي العصمه إنفطم (ح) و (س) و (ن) إسم= الحسن بالعالم علم عالميّه ضيف إثمنطعش وإجمعها = إسم الحسن ينحصي إبهاي ألأعداد والمطّلع يحصيها وأنشأ (العلملك)(1) =فضله شمل والجن والبشر وأحيه دوحة دين جدّه= المصطفه إبدم النحر (ح) و(س) و(ي) و(ن)= توضّحه مثل الگمر وثمانيه وعشرين فوگ الميّه = حروف إسم الحسين إبقلم كسّرها والقلم ما يخفيها من خمسه ميه وثلاثه= والثمانين أكملت وحدر ألإثينن وثمانين= البهاليل إدخلت من السمه الميتين =والسبع وأربعين أنزلت جبريل هذا السادس وي الخمسه = وإثينن وثمانين إخذ معناها هذا الكسه الچاسيها يوم حدر الكسه= إنجمعت وألأنوار إمهلهله ويوم عد جسم الحسين= إنجمعت إبطف كربله مد رسول الله يمينه= الراس سبطه إتناوله ركّب الراس الجثته = ويجري الدمع لمصابه(2) جده وشبگ ريحانته = ويهجس إبگلبه إصوابه وگام إيتفگد حالته = ونار الحزن لهابه وصد أبو اليمه لعد جده ينادي = والحالته يبديها يجد ردتك گبل ساعه= إتشدلي إصواب الحجر وتجر سهم الگطع =گلبي ومنه دلالي إنفطر يجد ما ظل بعد بيّه= عظم سالم ما إنكسر هاي إخوتي فوگ الثره = إبحر الشمس مرهونه إبحد المواضي إموذره = وضلوعها مسحونه وأخذو حرمنه إميسره = هالگوم شيطلبونه ياجدي وإضلوعي إنحنت عالشاطي = وراعي العلم حانيها يجد ردتك گبل ساعه= تشاهد إمصاب الرضيع بحضني إملولح رگبته= وبالسهم گلبه گطيع ويابس من العطش گلبه =وجسمه من دمّه نجيع يا جدي من فيض الدمه= كلما تسيل العبره متأثر إبحر الظمه = ولا تنطفي هالجمره والعطش باشط صارمه = واهجس إبگلبي الشفره يا جدي والشفره إگطعت دلالي = وأتجرح إبماضيها إنخشع گلب الهادي =لإبنه ودمعة إعيونه تسيل ومهجته بالدمع سالت =من ثمر چبده المسيل وغدت شفرات المصايب= تگطع إهروش الدليل وفاطمه إتوارت بالترب = ولحسينها تتواره والعين دمعتها تصب = ومثل النحر يتجاره صاح وثگب حن الگلب = والحزن تسعر ناره ونار العطش تسعر إبچبد الزهره = جمرتها شيطفّيها فاطمه إتنوح وتنادي= إبگلب مدمي ومنفجع ذوبت يحسين چبدي= والچمت كسر الضلع ومثل مجره جروح إبنها =إعيونها تجري الدمع إلحالة حسين وفاطمه = ماج العرش وأركانه الحزن عجج بالسمه = وتضايگت سكانه وإنفجع حماي الحمه = وگلبه أسعرت نيرانه وعين الحسن تجري مثل دم حسين = وما ينگطع جاريها