أسماء من نور «الحدي»(1) إقره إبجزو(عمه) تجد = أبجد إحروف إمقطعه من إدرست إنته إختمت = بيهن قوانين الشرع (ألألف) آدم من خطه = من خطوته نادم صبح و(ألب)بالحسين إلتجه = و(الجيم) جاها إو بي نجح و(الدال) دنّاله الفرج = بسم أبو السجاد وفرح يالمستمع دوك إنتفع = من الكتاب وطالعه وإجمع حروف ألأربعه = «أبجد»يصيرن بالجمع بيهن قوانين الشرع و(ألها) هو يونس وجل = وإبطن حوت من البحر و(الواو) ودع دعوته = بحسين لاذ من الخطر و(الز) زهرله مسكنه = يالمحب وبهذا الخبر گر ناظرك وإتنورك = هاي المعاني الساطعه (والها إو واو إو زيه جمع) = هوّز تره يالمستمع بيهن قونين الشرع و(الح) حيه دين النبي = إبدم النحر ريحانته و(الطا) طبع باري السمه = حُبه إبضماير شيعته و(اليي) يزاير من تشد = رحلك تريد إزيارته إبيوم الحشر أجرك ذخر = عند الزچيه الشافعه حروف الثلاثه تنجمع = «حطي »يصيرن بالطبع بيهن قوانين الشرع و(الكاف) كوّن للفلك = نوح إصنعه إبعين الصمد و(اللام) للخمسه إلتجه = والفلك بالخمسه إنرصد و(الميم) من بحره سلم = و(النون) نال إشما گصد من الفزع سالم طلع = بإسم أبو اليمه مطلعه رابع كلام«إبكَلَمن» = والنصف من اصل الجمع بيهن قوانين الشرع و(السين) سده مانعه = إسكندر بناها عن علم و(العين) عد خمسه إو رصد = والسده صارت طلّسم و(الف)فتن و(الصاد) صد = ياجوج عنها منهزم بالطلسم خامس إسم = إسم أبو اليمه موضعه إطبع إحروف ألأربعه = وإقراها «سعفص»بالطبع بيهن قوانين الشرع و(القاف) قرة ناظرك = لحسين يالتثني المدح و(الر) ربح نعم الربح = وإبأيد غيرك ما يصح و(الشين) شارع للخلد = باچر إبوجهك ينفتح و(الت) تره عالگنطره = ما ترد وجهك مانعه أربع حروف ( إبقرشت) = معناها عند المطّلع بيهن قوانين الشرع و(الث) ثمر من خدمتك = لحسين أطيب كل ثمر و(الخ) خبر قدسي ورد = عن هالمعاني وإنذكر و(الذال) ذنبك يالمحب = إعتقد بألله انغفر عن المحب أمحه الذنب = سبط الرسول إبمصرعه إجمع (الث والخ طبگ) = و(الذال ثخذ) تنصنع بيهن قوانين الشرع و(الضاد) ضحه إبمهجته = للدين سبط المصطفه و(الظ) ظهر نور الهده = والشرك مصباحه إنطفه و(الغين) غاب إمن الوفه = بدر الوفه إبّرج الوفه وفّه العهد چبده إنمرد = بالسهم والگلبه إگطعه ثلاثه من الخمسه (ضظغ) = و(اللام ألف لا ) ترتفع بيهن قوانين الشرع