أحسن ألله لمن هداني «هجري» ( لا عذب ألله أُمي والرضعوها = حب الوصي إو من هاللبن رضعتني)(1) إو حب الوصي غذاني إبشارع ألإسلام والد يهوه حيدر چان إلي وأمي من ثدي الموده رضعت إبحب الولي إو صرت أنه إمن إمي وأبوي إو صار ورثي «حب علي» إبماي الولايه الطينتي عجنوها = إو ثالث شهاده بالمهد ناغتني وإنطلق بيها إلساني شعر جمي إبهالشهاده إو مني كل مفصل شهد إومن هلي إتغذيت بيها إو صارت إبريجي شهد گبل ما تولدني أمي وگبل ما أصير إبمهد بطوگ الولايه الرگبتي طوگوها = وأمي إبمحبة حيدره ولدتني وبيها أنتشا وجداني أحمد الباري الجعل لي (إبحب علي) قسمه ونصيب إو لعد داعي الحق دعاني إو صرت أنه إلصوته مجيب گبل مل تنمزج روحي إبجسمي وأتغذه إبحليب روحي إبمدِرْسَةْ حيدره درسوها = أو هالمدرسه إبأصل وفرع علمتني وبيها إختمت قرآني إبجسمي من ثبتت قواي إو بالحياة إترعرعت إلزمت أصل إوفرع ديني إو بالكتاب إتوثقت وإعرفت حيدر (أميري) حين بالرب آمنت وبگلبي صورة حب علي طبعوها = إو رحمة الباري إبهالطبع شملتني إو بيها ثبت إيماني ( إو من ثبت إيمان گلبي إو رسَّخ إبذهني اليقين إشهدت بالمعبود ربي إو صدقت طاها ألأمين إو سجلو إسمي وصفاتي العله إمتوني كاتبين)(2) أوصافي إبدفتر عي كتبوها = أستحمد ألله إو أشكر الكتبتني إبدفتر علي عنواني إو من دبه إعله الگاع جدمي إو عدل سرت إعله الصعيد إو كمل إرشادي وإعرفت إللي يضرني واليفيد شاهدت آية التبليغ إبقرآن المجيد وهالآيه نص إبحق علي نزلوها = إوهيه الذي إبدرب العدل مشتني إو درب العدل دلاني من صفه العيش إبحياتي إبحب علي سالم عشت إو من رماني الدهر مكسور إو بالشده طحت صحت ( يا بالغوث أغثني) يا علي أدركني إنجحت ألله إو رسوله الكسرتي جبروها = إو أسمع علي وهمة علي نادتني عيناك يالتنخاني إو من تدانتني المنايه إو للرحيل إتهيأت چني ميت عالولايه إو بالثلاثه إتشاهدت إو عالمناكب چني محمول إو بالحفره إنزلت تربان گبري عليَّ من واروها = بس ما هلي إو جنّازتي عافوني عقد الوله إتلگاني شاهدت ليلة الوحدة إو من سنه الفكره فقت صرت أحسّب بالمعاد إو چني بالمحشر صرت إو چني إبسلسله سبعين إذراع إتگيدت وإگبالي ميزان العمل نصبوها = والمحكمه إبثگل الذنب حكمتني إو حب الوصي برّاني