ما حصل من الشرف لأرض النجف «هجري» بالغري خزنة الباري بالغري = والذهب حمّاي الحمه فكري بحساب النجوم اشتغل واحساب الرمول=احصرت علم الباري وفروع الديانه والأصول بعاصمه وهي المدينه وملك عاصمة الرسول بالغري ابعين البصيره بالغري = شاهدت باب العاصمه للعرش شبحت اعيوني وفرفرت مني الروح=وسارت ابسير الأفكار ورايده اتشاهد اللوح عارضتها وگلت هذا العرش وأنواره تلوح بالغري واللوح رحمه بالغري = وبيه الأرزاق مقسمه عگلي مره ايغوص برضه ونوب يعرج للسماء=يالتناشدني اشيريد ايريد سر الأنبياء عدمن اتودع ومنهو الحاز علم الأوصياء بالغري كلهن لگاهن بالغري = بيد الأمير امسلمه يالتحاجج لا تحاجج شوف سيطرة الزمان=بخاتمه سليمان سخّر للهوه وطيَّع الجان انچانك بالعلم راسخ طالع ابنص البيان بالغري اسليمان ودع بالغري = سره وسريرة خاتمه لو ردت برهان موسى وآيته التطوي السحر=لا تظل تبحث بالأخبار ومشغول الفكر تبصر ابعين الحقيقه اتشوف سره منحصر بالغري برهان موسى بالغري = ونور التجله وكلمه اتجولت بالفكر روحي ولاجت البر والبحر=وغصت ببحور المعاني وحققت بيها النظر دورت ذيچ السفينه النجت نوح من الخطر بالغري وشفت السفينه بالغري = أبَّحر النجاة امجدمه چم وچم من فيلسوف البذل جهده وهمته=ماگدر يصنع الإكسير وحار ابصنعته عگلي اتبصر ابعلمه وشاف سره وعلته بالغري الإكسير معدن بالغري = حيدر ابسره امطلسمه من شفت گلبي منور گتله شنهو النورك=گلي عن تنويري بالقرآن ربك بشرك انچان فكرك عن معاني الغامضات اتعذرك بالغري كوكب الدرى بالغري = نور اگلوب المظلمه من شفت نفسي ابحيره وعازمه اتريد السفر=لعد بيت الله الحرام ورايده اتبوس الحجر گلت هاي الكعبه اقرب إلچ من لمح البصر بالغري والحجر مبني بالغري = وتقبله املاك السمه همت بفجوج المنايه واجرعت چاس الأجل=تصورت يوم المعاد وشفت ميزان العمل وشفت محكمة العداله وللنجه صرت بأمل بالغري ريس المحاكم بالغري = حكمه ابشفاعه ومرحمه ومن هوت روحي ابشده بالمهاوي المهلكات=تبصر بإيمانه گلبي وهمت بفجوج النجاة استشكفت برج المشاچل شفت حل المشكلات بالغري حل المشاچل بالغري = اگصد الحيدر وَزِّمه إعليّه من شفت المصايب من الدنيا اتلملمت=ضاگ صدري وضاع صبري وروحي ملّت واجزعت ومن ذكرت امصاب زينب كل مصيبه هونت الله واكبر يامصيبة زينب بحشاها نيران المصايب تلهب عالتل تنادي وتستجير وتنحب بالغري نايم يبويه=بالغري وابنك تغسل بالدمه عيني لوشاهدت مذبوح عله امصابه بچت=ساعد الله اعيون زينب چم ذبيح الشاهدت مثل ما فجر وريده اعيونها دم فجرت ضيعت وليها زينب وضيعها ظلت غريبه والدهرفاجعها تصد للغري تنخاك ما تسمعها بالغري يهناك نومك=بالغري والخيل اجتنه هاجمه عيني لوشاهدت ضامي وبضميره الاشتعال=تگوم تتصور عطاشه كربلا وحال العيال جف ثدي الرضعان دره وغارت اعيون الأطفال والماي مهر أُم الحسين الزهره وأطفاله اتلوع وتلوج ابكتره محرومه من شربه وتصيح ابعبره=بالغري ساقِّي الكوثر بالغري وعياله چاتلها الضمه عيني لوشافت يساره ايذوب گلبي وينصدع=واذكر الكل ساع والي تفگد وبي تنفجع چني دون حسين اشوف الحره محنيه الضلع تدري اشجره ابزينب عگب واليها إصواب الشماته صابها وماذيها إتلوذ وتنادي بگوم المسلبيها=بالغري سلطان ابويه بالغري وانه انسبي سبي الأمه عيني لوشاهدت مچتوف او مذبوحه هله=العبره تتكسر ابصدري وتظل عيني هامله اذكر امصاب العليل الگيدوه ابسلسله زينب على امصابه جرت دمعتها تبچي اعله هلها لوعلى غربتها بيك التجت من آيست من اخوتها=بالغري تتمنه چانت بالغري بالگبر يمك نايمه