فاق الشجعان «ميمر مذيل» حيدر شعل نار الوغه اوطفاها = ياهله ابحيدر حيدر خبطها او حيدر الصفاها = ياهله ابحيدر طالع تواريخ الوغه اوناشدها = واعرف افعاله شوف الأرض منهو الذي مهدها = ابسيف العداله اومنهو الذي متون النبي صاعدها = بأمر الجلاله امتون النبوه حيدر اتعلاها = ياهله ابحيدر دونك تواريخ الوغه اتصورها = او شوف المچارم منهو الخراطيم العرب طيرها = ابشفرة الصارم من كوّرالأصنام من كسرها = او حاز المغانم كورها حيدر عالثره او ساواها = ياهله ابحيدر ناشد اكتابك واسمع التغريده = ابيا فضل غرد يكفيك عن ربك او عن توحيده = بيمن توحد ينبيك عن دينك او عن تأييده = او بيمن تأيد ابحيدر تجد هالغانمه أو معناها = ياهله ابحيدر منهو الذي بالكون لو مد باعه = يستر الخله من طوگ ارگاب الخلگ بالطاعه = او وَحَّد المِله منهو الذي التگرب ابسيفه الساعه = للنشد گله هاي الأوصاف ابحيدرة تلگاها = ياهله ابحيدر إنشد (الخندق ) لا تظل ابحسره = من هالفراسه منهو العگر (عمرو) او تثنه ابصدره = او خمد انفاسه حتى سكن غيظه اوبده ايحز نحره = او من حمل راسه حيدر او ظل بيه النبي يتباها = ياهله ابحيدر گام ايتباها بين عمه اوزوده = وبيه ايتمجد او من گبل بي باها الملك معبوده = وبشر محمد الله او رسوله للأمير اشهوده = للمله جاهد والتطعن ابحيدر عوج ممشاها = ياهله ابحيدر وأرد أنشد الجاحد وشوف اشعذره = من هالمعاني منهو الشطر ( مرحب ) ابذيچ الطبره = الما إلها ثاني او منهو الفتح ( خيبر ) ابايد القدره = او هز المباني فنه الشهد مو حيدر السواها = ياهله ابحيدر وارد أنشد الجاحد وأشوف اشرايه = وشنهو جوابه عالجان من حدر ابسيف الآيه = وانزل عذابه ابكل غزوة حيدر يالتزم بالرايه = او يجدم اصحابه من غير حيدر يافتى الحاماها = ياهله ابحيدر وانشد (تبوك) اوشوف من روعها = اوضيق مداها اومن بطن الأسروج الزلم شعلها = ابرمحه او رماها او صيحة علي لسا (أحد) يسمعها = بالجو صداها او سطوات حيدر (بدر) ماتنساها = ياهله ابحيدر حرب ( السلاسل ) من أخذ بي شنيار = عندك اعلومه اومنهو لعد وجه الحرب بالبتار = ياخذ ارسومه اوبا( لنهروان) او يوم صفين اشصار = لاتنسه يومه حيدر لعد عين الحرب بچاها = ياهله ابحيدر