ولاية علي عليه السلام «ميمر» من بنه البيت إبراهيم =والقبلة الرسميه من بنه ابراهيم القواعد للبيت ثبت حجر أسعد وسر التثبيت سر حيدر ولو خضت بحره= اختليت عگلك يعرفه لوچان متمسك ابراعيه سر الخليل او حكمته وبرهانه وجدان الإسلام احتيه ابوجدانه ولو ردت تعرف علته =او عنوانه نور الولايه ايدليلك وامشي ابصفات النيه ما سامع ابنار الشعلها نمرود برد وسلم بيمن جعلها المعبود وايوب بيمن سلم من= داء الدود تكفيك هاي الآيات واخبارها المرويه وخمس البسامير النزل بيها الروح اسماء الاشباح (إلّي إزهرت)(1) باللوح سير سفينة نوح وبطالع نوح نور الولاية او ولاه = بالخطة البحريه منهو النجد يونس من ابطون الحوت غير الذي ابحل المشاچل منعوت ومن نصر داود إوتفرّس= جالوت سيف الولايه كفاه عن لامته الحربية يانور يوسف چان متمسك بيه ومن نطق الشاهد الراد ينجيه ومن چان يحضر (2) بالسجن =ويسليه ومن علمه يفسر الطيف واسراره المخفيه نور الولايه عيسى متنور بيه الأكمه والأبرص عيسى چان يشافيه والميت بسرار الولايه= ايحييه وحاز ابشهادة هالنور حكمة اللاهوتيه ابنور الولايه كل رسول اتنور والنور من كوكب الدري اتبادر وكوكب الدري جوهرة سر= حيدر نور افكارك ياصاح بالجوهره القدسيه اول علم زم ابيمين الإسلام حيدر وأبداَ ما سجد للأصنام وبكل خطر بفراش ابن عمه =اينام آثار ابو طالب هاي والعاطفه الوديه من چان ابو طالب ابذاك الأحصار ابوسط الشعيب يلاحظ من الأخطار اينيم علي چان ابمچان= المختار هذا الكفيل المأمون والتضحيه الدينيه