مع الرسل وألأنبياء «ميمر مذيل» شرع الديانه مبداه = من حيدر وأخذت الوادم معناه = من حيدر يا صاح هذا العالم اوجدانه = المن تصور او بيمن تمهد والفلك دورانه = إبيا آيه يفتر صفي ضميرك وانظر بايمانه = او بالحگ تبصر ابحيدر اتشوف العالم = تمهيده والفلك سره ومسراه = من حيدر آمر خليله الباري يشرع هالدين = لهل الديانه وانطاه سرالبيه سرا التكوين = وبسره عانه او لوردت تعرف سر خليل الله امنين = واضح بيانه طالع كتابك تنبيك = آياته سره الخليل اتولاه = من حيدر اتبصر خليل الله ابحكم باريه = اوبيهن تأيّد او أسس الدين اوقبلة الرسميه = وثبت الأسعد ابهندسة حكمه اوخطة الفنيه = للبيت شيد شيد البيت « إبراهيم » = بالخطه او خطة البيت إو مبناه = من حيدر او رؤيه الخليل الشافها او بالتأويل = أرشد النيه الوجه الله بالكعبه يضحي اسماعيل = و تظل سجيه لمذبح عظيم الباري ارسل جبريل = وأدرك نبيه مصدر حياة ( إسماعيل ) = سر حكمه او مصدر السر الأحياء = من حيدر او آيات « موسى » لوردتها بايمان = بيهن تفكر اوشرف العصي اوسرها التظاهر ثعبان = واعرف المصدر اولو مديمينه الجنبه يظهر برهان = بيضاء تزهر لا تعجب من موسى = او برهانه سر العصمه اوسر معناه = من حيدر اومن صعد موسى ايناجي ويّا سبعين = للجبل صعدت يارب تريد اتشاهدك رأي العين = امتى احتجت نور او تجله ( إو شافته )(1) المحتجين = مغشيه طاحت إولو دورت هذا النور = ايمانك للنور ساطع يلگاه = من حيدر لو ردت تعرف عيسى منهو الحاماه = وجه خطابك الرابع سمه امن الأرض يا سر علاه = طالع كتابك وانشد من التأويل واعرف معناه = واسمع جوابك من رادوا العيسى اعداه = يصلبونه بالسر نجه او سر منجاه = من حيدر كل نبي حيدر چان اله سر مكنون = يشرع حكمته والباري من راد ابمحمد على الكون = ينشر رحمته انطاه الرساله وآمره ابنص ايكون = يظهر نبوته والهادي من ادعى الناس = للبيعه أول يمين الوافاه = من حيدر عالمله حيدر بالجهد والمجهود = حاز الأُبوه مازاده واحد بس ابن عمه ايزود = ابنص النبوه والباري جاعل بينهم سر معقود = عقد الأخوه حيدر الباري دناه = للهادي وللهادي ذريه انطاه = من حيدر ( سورة النور ) اتوصف الذريه = وآية العصمه نورٍ على نور ايتبادر ضيه = ابمشكاة حكمه او مصباح يزهي ابزهرة القدسيه = ابكوكب الرحمه او كل فرد منهم معناه = در صافي والباري هالدر صفاه = من حيدر عترة محمد بيها وصه الأُمه = اودّع البضعه او من عگبه بالبسمار أجرو دمه = او هشمو ضلعه او بالعتره كل جرار نفذ سمه = او ظلت الدمعه مسچوبه من الهادي = عالعتره والدمع يجري ومجراه = من حيدر والحسن عگب الهادي بالسم چتلوه = او گطعوا چبده وبيا شريعه الدفن جسمه ليمنعوه = عن گبر جده ابزان اونبل للنعش گاموا يرموه = گوم التضده وحسين صابر لله = در صبره او صبر التملك بحشاه = من حيدر ريحانة الهادي او دليل الكرار = او روح الزچيه خلوا دليله امن العطش يلهب نار = گوم آل أُميه وانذبح ظامي اوللنبل مكور صار = بالغاضربه ظل جسم ابو اليمه حسين = عالغبره نحره ايتفايض وادماه = من حيدر