حب الولاية فرض «ميمر» حب الولايه مفروض عالخلگ من باريها لو چنت عابد زاهد إبمد عمرك=ومالك إبمنهاج الولايه مسلك إعتقد مثل إبليس مصدر أمرك=من رحمة الباري إيصير چفك صفر تاليها وبحالة ألإحضار من عالقبله = إيمدونك وعندك عديله تتله (وثالث) شهاده لو بريجك تحله=إنته إبن أبوك ومحفوظ وأنسابك إمعربيها إسأل من الباري يراعي شانك = عند الشهاده لا يخرس إلسانك سهله الشهاده إتشوفها إبكتمانك=لاچن يريد إلها إلسان ذاك الوكت يحچيها وبليلة الوحده هلك يجفونك = لمن نكير إو منكر إيحضرونك راعي الولايه إتشوفه حاضر دونك=لو معتقد بي لتهاب منكر ولا تخشيها (إينشدوك)(1) عن ربك تگول الجبار = إو منهو نبيك تعترف بالمختار إو منهو إمامك لو گلت حامي الجار=عنك تصد والجنحان من هيبته إمخفضيها لو چان إسمك مو إبدفتر حيدر = ولا گلبك إبنور الولايه إمنور بين إيد ربك من تگف بالمحشر=وشتعتذر ذاك اليوم وإلنفسك إتنجيها لو گلت يا ربي غواني الشيطان = ينزل جوابك ما قريت القرآن وإبليس ما گلنه عدو إلإنسان=تشهد عليك ألآيات يا آيه تطعن بيها ما شفت تصريح الكتاب إو تعلم = لمن غوه الشيطان حوّه إو آدم خالفو أمر ألله وعليهم دمدم=وإنطردت إمن الفردوس المغويه والغاويها لمن علم آدم الشيطان أغواه = بالخمسه أقسم عالإله إو نجاه واجب علينه إيكون نسري إبمسراه=وأهل الكسه بالدارين درگت حمه إنخليها لو طينك إبماي الولايه معجون = كل عسر يتيسر وكل شده إتهون من الصراط إيكون گلبك مأمون=تسهل عبرتك والنار تخمد من إتمر ليها إهنا يالمحب من تصل حوض الكوثر = أوصيك وهناك إبوصيتي إتذكر من الظمه چبد الحسين إتفطر=أللهُ أكبر وإحشاه جمر العطش چاويها من كثر ما حر العطش فت گلبه = إبسيفه إيتسند ينهض إعله إركبه وعالمشرعه عينه تظل تتربه=وروحه تفرفر عالماي والگوم ما تسجيها عالنهر ظامي إو يذبحونك يحسين = ومن لهبته ينطر دليلك نصين لسجيك يا مظلوم من ماي العين=يمحرر إرگاب الناس وبرگبتك شاريها