ولاية أمير المؤمنين (عليه السلام) «ميمر مذيل» اكسير لذنوب الخلگ يمحيها = حب الولايه يرد وسلم لجهنم ايطفيها = حب الولايه لو ردت تعرف دينك وديانك = انويها بيضه امشي بشريعة شرعك وقرآنك = أدي الفريضه قر بالولايه بگلبك وبلسانك = ضدك تغيضه ولله ورسوله وعترته ترضيها = ابحب الولايه بيهم علت رايتنه وتشرفنه = وللحق مشينه بمحكم كتابه الباري اموصفنه = وشاكر سعينه بتوحيد ذاته وطاعته امكلفنه = وسنة نبينه وارگابنه ابسر حيدر امطوگيها = ابحب الولايه عروة الوثقى واللزمها ميخيب = صاحبها غالب والكون بيها اترتب ابها الترتيب = وإلها مناقب لو ردت تعرف بيمن الباري ايثيب = بيمن يعاقب يعاقب عباده الباري وينجيها = ابحب الولايه ابحب الولايه اعتصم دينك يكمل = تذكر الآيه وارشد التايه بالجهل ما يندل = درب الهدايه ومالك غرض باليعلم وما يعمل = خله اعله رايه راس الشليله الوادم امضيعيها = ابحب الولايه لو ردت تستشكف ضمير الإنسان = والداخليه لا تطمئن لا تقبل بصفگ السان = والظاهريه عندك علامه وشهد بيها القرآن = حل هالقضيه تعرف النطفه الرجنه من صافيها = ابحب الولايه لوچنت مفتون ابولاية حيدر = ثبت يقينك لاتهم بذنوبك ولا تتكدر = حيدر يعينك ينطيك غفران الذنب بالمحشر = صك ابيمينك والنار تخمد لمن تمر بيها = ابحب الولايه لوردت گلبك يبتهج بأثماره = وريعه ونميره خل يقره سطر المنكتب بكتاره = حيدر أميره لوردت للجاحد تهيج ناره = وتشعل ضميره وعيون كل اهل الحسد تعميها = ابحب الولايه لوردت تعرف بيمن الحق يمتاز = عند الحقيقه وبيمن لعد شارع الجنه يجتاز = يسهل طريقه ومنهو التجاة الناس ينطي الإيعاز = اكبروثيقه فرع واصل باولها وبتاليها = إبحب الولايه