مصرع ألإمام علي (عليه السلام) «مجرشه» آه اعليك يالمرتضى يا قدره الباري الرفع= چفك علم للإسلام وابسيفك الدين انحكم= ساسه وثبت ياضرغام هالچيف ابن ملجم جسر =طر منك ابسيفه هام گلب اليودك سيدي = وجت بيه نار الغضه نيص الحرايب بالحرب =وامجفل اسباع الكون أبذات العلم منهو النزل= غيرك يراعي الميمون تنصاب يامير النحل =تنصرع مصيوب اشلون ابطيحتك ضاگت ياعلي = عالإسلام وسع الفضه العمرو بن ود منهو البرز =غيرك يسيف المله وانته استرت للمصطفى= ابكل الأحروب الخله شائت الحكمه تنچتل= والدين ينكف ظله ادموع التودك أصبحت = مثل أدماك متفايضه من چتل مرحب من فتح =خيبر او چاد لأوثان غيرك او منهو ابصارمه= حطم ارگاب الشجعان بدماك شيبك ينخضب =هالچيف ياعالي الشان دمك ابمحرابك سفح = للعدوان طاب الغضه نامت اعيون المسهره =چانت عگب حامي الجار والدين اسهر ناظره= وابظامره أتشب النار بين الثريا والثره= صوت امين الجبار الله واكبر والشرك = بالإيمان سيفه مضه عروة الوثقى اتفصمت= وانهدم ركن الإيمان اعلوم التقى اليوم اطمست =منفجد معنى القرآن او خيمة الإسلام انطوت= وانهدم منها الصيوان او عزّة المله الشامخه = أضحت آه متخافضه أبچتل الصميده لا تظن= يا دهر نلت المگصود راح الأسد خلف شبل= حي أبو محمد موجود يستارث اعلوم النبي= أينفذ احكام المعبود من يرگه منبر والده = يهدي الضال بالموعظه