صريع المحراب «فائزي مذيل» دين الرسول انصاب = وانهدم صيوانه سيف ابن ملجم صاب = قدسية المحراب وانهدم صيوانه سيف ابن ملجم من شطر راس السياده = حكمه واراده وشيب الأمير اتخضب ابدم الشهاده = حكمه واراده وساجد ابمحرابه سگط رب العباده = حكمه واراده وانفجع گلب الدين = بالحفظ قرآنه واتيتم القرآن = واتضعضع الإيمان وانهدم صيوانه عروة الوثقى اتفصمت والمعتمد طاح = روح القدس صاح وانهدمت أركان الهدى وانطفه المصباح = روح القدس صاح وانصاب الإسلام ابسهم والسهم جراح = روح القدس صاح وتفايض المحراب = بدموم وجدانه أحا يجرح الهام = اثّر على الإسلام وانهدم صيوانه اللهُ أكبر من جَرِح سيف الضلاله = يهل الجلاله طاح الأمير وطاحت ابيوت الرساله = يهل الجلاله وانفگد من شرع العدل رب العداله = يهل الجلاله والعدل والتوحيد = من فگد سلطانه من جرحه ظل ايلوج = وابدم عميده ايفوج وانهدم صيوانه سيف ابن ملجم طبرته فجعت العالم = هِل الدمع دم وركن اليقين الثابت ابحدره تلايم = هِل الدمع دم وسور الديانه الراسخ ابحيدر تهدم = هِل الدمع دم والوعظ والإرشاد = من فگد عنوانه ظل عالأمير اينوح = وانشحن گلبه اجروح وانهدم صيوانه حيدر يجود ابمهجته واشبوله يمه = ويسبح ابدمه واشبگ اشبوله وللحسن من ثغره شمه = ويسبح ابدمه ما ادري ليش امن النحر شم ابو اليمه = ويسبح ابدمه وانعرض هذا الحال = عالسمه وسكانه بسم الحداد اتصيح = وتعطل التسبيح وانهدم صيوانه حيدر على افراش الأجل أصبح ابداره = دمه ايتجاره والحزن صاب العالم وعمت اخطاره = دمه ايتجاره وگلب الفواظم گطعه ابلفتة انظاره = دمه ايتجاره وبس مانظر عباس = هل دمعة احزانه يالمحب تدري اشصار = صبر العيال انهار وانهدم صيوانه دگرب يبو فاضل وخذ مني الوصيه = حگك عليه ودون الحسين ابكربله خوض المنيه = حگك عليه واحفظ ابخوة زينب احگوگ الزچيه = حگك عليه وگوس المفارگ صاب = ما خطه ابنيشانه واتدانت الآجال = وعز الأعيال انهال وانهدم صيوانه