وليد الكعبة «بحر الطويل» الكعبه أم القرى او بيها = تولد كوكب الإيمان حيدر بزغ بالكعبه = او طهرها من الأوثان حيدر نور من النور = بالأصلاب يتنقل والأصلاب بنواره = تنور اوبيه تتجمل او ظهر من صلب أبو طالب = او نوره للهده مشعل اوكريمة أسد انسيه ابنساء البشر حوريه بالحكمه الإلهيه لامسها الهده ابنوره = اوحملت روح او ريحان هوت مريم تلد عيسى = اببيت المقدس او سمعت معبد هذا مو مولد = ولأمر الباري امتثلت او مثل ما تذكر الآيه = لعد جذع النخل آوت او بالبيت او لدت حيدر كريمة أسد واتقرر وردها امن الخلد كوثر او غذاها التين والزيتون = والأعناب والرمان ابسر مولودها اعله البيت = لمن فاطمه گبلت انفتح ركن اليماني الها = او بسم الله بيه دخلت عليها انطبگت الجدران = والرب السمه انقطعت لن اتشوف عدها احضور ابحلل من الجنان الحور واسمهن بالخبر مذكور حوه او آسيه او مريم = او شقيقة موسى بن عمران طلعت بت أسد امن ال = كعبه والگلب مسرور ابنور البالأرض أصله = او فرعه بالسماء اينور او على ضيه الفلك يسري = أو نظام الكون والدستور او أفق العالم اتنور والأملاك تتباشر مشتاگه النظر حيدر اوعلت بالأرض قدسيته = وابرابع سمه العنوان ثلاثه انقسمت الحيدر = دون الخاصه والعام اببطن الكعبه ميلاده = اونزهها من الأصنام اوثاني قسمه بالتاريخ = أول رجل بالإسلام هاي اثنين زاننه اوعله المخلوق قدمنه اوثالث قسمه بالمنه ابسطح العرش والكرسي = عقدله فاطمه الرحمان حيدر سر من أسرار = الإله الغامض المكنون ساير كل نبي سره = او ظهر من ظهر سيد الكون محمد وارث الموسى = او حيدر وارث الهارون خوة دين خوتهم للإسلام دعوتهم وجه الباري قبلتهم يالرايد سريرتهم = هاك اتصفح القرآن علي بالمصطفى اتشرف = اوشرف فوگ الشرف وافاه محمد دنه امن الباري = او لبن عمه علي دناه وضع جدمه ابمحل البي = وضع رب العرش يمناه جاهد للنبي جاهد او قلع الباب إله يشهد او بالأحزاب إله مشهد ذبح عمرو بن ود منها = او صارت شتت بالوديان