فضل ألإمام علي (عليه السلام) «سريع» أمست أركان الدين متهدمه=او دار الهواشم مظلمه مفگود واليها أمست أفلاك الكون تسري ابكدر = والحزن عم السمه او بر او بحر وانبت ابگلب الدين ناب الدهر = للدين حيدر سال جرحه دمه او عين الديانه دم تفيض الفگده جاريها أمست مظلم اديار عمر العله = اوتجري الحماها اعيون كل ارمله اگلوب اليتامه أمست اموجله = فگدت حماها الچان يحمي الحمه منفجد حيدر والأرامل من يحاميها ؟ ناعي النوايب بالنوايب علن = اوصاب الأرامل واليتامه المحن ظلت نواظرها ترب للحسن = بريف اليتامه والده اموزمه والحسن عيلة والده اموزم ايباريها أمسه الحسن لمصاب أبوه متفجع = وامست اعيون حسين تجري الدمع اوصوت الفواطم ياعلي مرتفع = اليوم مات المصطفى او فاطمه وافجعت سكان السمه او يبچي البواچيها هلوا الدمع ياشيعة المرتضى = بمصاب جده خل نعزي ( الرضا ) ضاگت عگب حيدر علينه الفضه = وگلوبنا ابنا رالحزن مضرمه او نار الحزن فيض المدامع ما يطفيها عندك يبو محمد شملنه انجمع = ابهذا المسه اوصوت الأحزان ارتفع ندري ابگلبك للمصاب انفجع = واحنه انفجعنه او عينه ساجمه ندري المصيبه اصوابهاالچبدتك ماذيها ابعين اللطف صد يالرضا الشيعتك = وشوف الدمع يتفايض الدمعتك او فجعتنه هاي النايبه الفجعتك = اتعزيك يالدارك مست مظلمه شيعتك وانته ابصبرك او حلمك تعزيها صد يالرضا الزوارك ابحضرتك = ماتحس بالغربه لجل غربتك او عن الوطن مكتفيه بزيارتك = ردها الوطنها سالمة او غانمه ابنور السعاده او خل تگر اعيون أهاليها