صريع المحراب «موشح» طاح بالمحراب داحي بوبها = او صبح دم دمع الخلگ مسچوبها اوصبح بالأملاك يصرخ جبرئيل = طاح بالمحراب حماي الدخيل او ثگب للعالم بچه او حن او عويل = او نفت لمصابه المنام اهدوبها نفت لمصاب الأسد طيب الكره = او بالضماير نارحزنه اموجره او چالمزن يذرف غده دمع الوره = فاجده سور الحمه او مندوبها فاجد الإسلام بدر اللي يشع = چان دوم الها سمه او سور المنع لو بالمضيج الچان سيف الها اودرع = او بالشدايد يجلي عنها اكروبها يجلي عنها اكروبها او بيه نستعين = قدرة الله البالغه او حبل المتين والد السبطين أمير المؤمنين = البيده رد الشمس بعد اغروبها البيده رد الشمس من بعد المغيب = او بالوغه اگلوب الزلم منه تريب اشسبب يصبح شيبه ابدمه خضيب = اومرمي بالمحراب ليث احروبها ليث الحروب اوعمد دين الإله = اتحيرت (چيفن)( 1) گرب حده او دناه (إبن)( 2) ملجم صابه ابراسه او رماه = او نومس اللي منسلب محجوبها نومس المنسلب من عدها (الحجاب)( 3) = ابچتل أبو اليمه الشهم داحي الباب او يتم العالم طبگ شيب او شباب = او نالت الراده الفخرها اعيوبها نالت او ظنت خلت إلها الديار = عگب بدر الچان يسطع بالأنوار لچن ما يدرون ابن حامي الجار = الحسن للعالم يفض مطلوبها يفض مطلوب المله اويحيي السنن = او نور وجهه يطفي نيران الفتن او ينجد الإسلام ساعات المحن = للشريعه الهم يسمح ادروبها ايسمح الها ادروبها المندوب چان = لاچن اشبيدي الدهر وياه خان وابسهم صاب النفل عالي الشان = او ساعد اهل الغدر( واشفى)(4) اگلوبها