قدسية الولاء للإمام علي (ع) يالحاضر إو ماضينه = يابالحسن صفينه لو منكر إيحاسبنه = ما غيرك اليطلبنه يالنشأتك روحيه = روحيتك الجذبتنه بألآخره إو دنيانه وأنوارك القدسيه = إبدرب العدل خلتنه نتبختر إعله اهوانه وأحكامك ألدينيه = يا بالحسن عرفتنه بالدين والديانه بولايتك طبينه = يالحبك إمركزينه وإبمأدبك أدبنه = ما غيرك اليطلبه يابالحسن صفينه إحجور الولايه إنفرشت = وإحنه التوسدناها إو بالعطفه ربتنه وإرياض فضلك زهرت = وإحنه التغنمناها إو بإثمارها غذتنه إو خلعة الباري إنتشرت = وإبحبك البسناها إو حبك شرف قسمتنه يا بالحسن يغنينه = بالدنيه حبك زينه إو بألآخره مكسبنه = ماغيرك اليطلبنه يا بالحسن صفينه حبك يحيدر منهج = إو منطق رساله إو حكمه وإبحكمته نتظاهر والبالجهل يتبرج = ناظر دليله أعمه إو لا فكرته تتنور وياه من نتحاجج = نص الوحي إو ضي علمه يا بالحسن نتبصر يالفضلك إيحچينه = والضدك إمخرسينه إو من نحچي شيجاوبنه = ما غيرك إليطلبنه يا بالحسن صفينه يوم الضنك والمحنه = نتسدر المحنتنه إبعين اللطف ترعانه وإبكل خطر لو طحنه = بإسمك علت صيحتنه يالملتزم نخوانه مثل الضحه إتوضحنه= إبحبك عله فطرتنه بالعالم إو سكانه حست الوادم بينه = منك إلك تدرينه والصاحبك صاحبنه = ما غيرك اليطلبنه يا بالحسن صفينه رب البريه إتلطف = بيك إو علينه إتمنن وإبيمنته راحتنه وإبهالشرف نتعرف = بالدين والبيه آمن وإتعينت قبلتنه إو عالگنطره من توگف = بالعبره ما نتمحن بيدك أمر عبرتنه بأمر الوصي إو تبيينه = إعله النار لو مرينه والنار متعذبنه = ما غيرك اليطلبنه يا بالحسن صفينه يا بالحسن خلقتنه = من فاضلة طينتكم باري النسم خالقنه وإترعرعت نشأتنه = منكم إو بيكم وإلكم رب البشر عاتقنه إو خلانه من ساعتنه = نتمسك إبعصمتكم وإبحبكم إتوثقنه والقلم من تكوينه = يمشي إبأمر بارينه من شيعتك كاتبنه = ما غيرك اليطلبنه يا بالحسن صفينه إو عين الحسد ما تحمل = هيچ إلتزام إو ملزم إو حسّادك إيحسدونه إو حبل الوصل مستأصل = بيك إو أبد ما نهتم لو رادو إيلومونه يالما مثل ظلك ظل = نركن إبفيّه إو نسلم عدوانك إيعرفونه لمحبتك حبينه = للعادتك عادينه وللحاربك حاربنه = ما غيرك اليطلبنه يابالحسن صفينه