علي ومكانته في ألإسلام «هجري» نزل قانون العداله= للرسول امن السمه او حيدر بصارم =القدره للبريه ترجمه إلك ياراعي العقيده =أشرح ابضمن الأبيات واخبر الغافل ابجسم= الدين من بث الحياة والمن اثياب القياده= اتفصلت بالغزوات بلچن ابضمن المعاني =اتفيق بعض النايمه رشح الباري حبيبه =اوختم بيه المرسلين او شاءت الحكمه العباده=ترتضي الإسلام دين اتنظمت بالناس =فرقه للإله اموحدين بالسياسه الأحمديه= او سيف حماي الحمه نزل منهاج الديانه =من الباري للأمين والرسول اشرح الوادم =او دعه الوادم لليقين اوحدر كل أخطار سجل= شرح أمير المؤمنين حبره دم أهل الضلاله =او قلم شفرة صارمه او يوم غزوة بدر =من چانوا أذله المسلمين نزلوا النصرتهم أملاك= الجليل امسومين اتوله أمر الموت =حيدر والزمه ابچف اليمين جسم حگ اعله =الحرايب بالمهند جسمه اويوم غزوة أحد من= صاب المسلمين الرهب او تركت الهادي وحيد= او شردت ارجال العرب حيدر الحامه الرسول =او كشف عن وجهه الكرب حين شاف الناس =عنه شارده اومتهازمه اتعجبت أملاك السمه= اوگرت للإسلام الأبصار بالشجاعه الحيدريه= وابفضل حامي الجار لافتى إلا علي لا=سيف إلا ذو الفقار صاح حبرائيل و=احنه نكتفي ابهالغانمه او لعد عمرو ابن ود =منهو اللي برز يوم الأحزاب غير حيدر واچتله =او حرر للإسلام الرگاب او من چتل مرحب =او منهو ابساعده أقلع الباب او من فتح سبع الحصون= او عرش خيبر هدمه ماتعرف أجدام من =عالروح چانت ثابته وارفع الباب الدحاها= ابعزم قدره ابراحته او عبر أصحاب الرسول= اعليها صاحب هل أتى هم تريد اشهود هذي =او تحوج إلها محكمه اتباشر الدين ابقوات= الأحمديه واستقام او بالفراسه الحيدريه= ارتفع من عنده القوام لاچن اتعارض ابفگد =المصطفى سيد الأنام او مضه ابگلب الدين= سقمه والدليله ألّمه من اصواب الدين ذابت= مهجته او ضعفت قواه والأطبه اعجزت عنه= او مادرت شنهو دواه او من عرض لحسين =حاله عالجه ابدمه او حياه ريت حسين عينك تشاهد حاله لمن چان يسمع صريخ اطفاله تريد الماي حن الرضيعه اوشاله او گصد بي للگوم گصده =يروي چبده امن الظمه اتوسط حسين الحرايب =والطفل بيده يلوج ناده هذا النهر جاري =او بيه يتلاطم الروج او عالرضيع اشچان =ذنبه ايموت ضامي ياعلوج وابيادين ماي المباح اتمنعوه انچان اسلام انتم الطفلي تسجوه اهنا يحسين اهل الخديعه نادوه ندري ما يحرم الماي =اعليك واحنه انحرمه بين ميخاطب الگوم =حسين ابن سيد الرسل حرمله سهم المثلث= عينه ابنحر الطفل آه من صد أبو اليمه =او شاف طفله منچتل بين ايديه شاله اونده يارحمان ياعلام هذا الطفل ذنبه اشچان او يا معبود ذبحوا او ليدي عطشان ياحكيم احكم اببيني= اوبين گوم الظالمه ريت ذاك الحين= لبن حسين تنظر حالته گبل نار السهم نار= العطش ذوب چبدته آه سهم القدر لمن =طوگ صار ابرگبته دار العين وابوجه ابوه اتبسم وابن حسين لمن هجس نار السم اودمع حسين يجري مثل مجره الدم احتسب بالله او عالمخيم= لوه اعنان امطهمه رد أبو السجاد لاچن= طفله بين ايده ذبيح او يرفس ابرجليه وايده= اودمه من نحره يسيح شافته زينب اوصاحت =خويه والضامر جريح اويه حسين طلعت تنادي اسكينه الماي الماي جمر العطش ماذينه والمظلوم لاجت الدمعه ابعينه من نظر دمعة اسكينه= تجري عالخد ساجمه آه وام الطفل حن =النيب حنت عالفصيل أوچبت دون ابو اليمه =اتگله مفجوعه الدليل مدت ايديها الوليها =اوخذت عبد الله چتيل اتجلب بيه وامن الوريد اتشمه والمحروم جسمه نجيع ابدمه ابذاك الحين در للطفل ثدي أمه اوشيفيد الدر وابنها =حرمله ابسهمه افطمه