حافظ نظام ألإسلام «هجري» ياحيدر تودع الإسلام عندك=هل صار عندك مرجعه ياحجة الباري تبصر بايمانه گلبي= واكتشف سر الإسلام ظاهر او باطن =ابيمناك شفت هذا النظام وانته مظهر للديانه =اوبيك دين الله استقام وانته نوره اوسر ظهوره وانته سوره = اوضي سروره اوكل اموره بيك ياسد الأحكام ياحيدر اوتاج البراس الديانه = جوهروجودك رصعه ياحجة الباري من شفت شمس الديانه= مشرقه اوملها مغيب شعرت بجسمي الحواس =الخمس هالمنظر عجيب ياعلي او نورك هداني =اوصار إلي ابمدحك نصيب انشرح صدري إبتهج فكري سهل أمري = وانته ذخري الله يدري ما إلي غيرك حبيب ياحيدر او بالغري شمس الديانه = شاهدت گبتك ساطعه ياحجة الباري اومن شفت بدر =الديانه فلك بالعالم يدور مزهر او ماله مغيب= ابساگ عرش الله ينور او غصت ببحور الحقيقه= او دورت مظهر النور باجتهادي واعتمادي ابسر ودادي = واستنادي باعتقادي بيك تندار الأمور ياحيدر او هالبدر شاهدت نوره = من طي ضريحك مطلعه ياحجة الباري من تصورت ابدليلي= الدين رسمه مرتسم اتبصر ابهالمعنه عگلي= اوشاهد ابناظر علم ابنور مطبعة الهدايه= گلبي طبعت هالرسم ياأميري يامجيري ياظهيري = يانصيري وابضميري رسم حبك طلسم ياحيدر اوتقتبس من نور حبك = نور اوتطبعه المطبعه ياحجة الباري يا علي التوحيد روح= إو حيه الدين إو حجته وإنته للتوحيد روح =إو بيك نشأت چلمته إو كل نبي ما چان= تتدين إبدينه أُمته إو يزم رايه بالبرايه إله بآيه = إمن الهدايه والولايه إللي تصدگ دعوته يا حيدر إو كل نبي يهتدي إبنورك = إو نورك يلوح إبطالعه يا حجة الباري واعله كل مركز =الإيمان ترفع مركزه مقسم اوكل ذات =مؤمن حد قواها حايزه اشما يحوز الخلگ= إيمان بعدها عايزه ابوحي النازل والرسايل هالفضايل = جزه العامل الله جاعل للمحب هالجايزه ياحيدر او مركز الإيمان حبك = او عالمؤمنين اتوزعه ياحجة الباري أخذت الوادم الإيمان= ابثلاثه امن الأسرار بالهدايه والإطاعه =او منهم ابذات الفقار لاچن البرهان حبك= فطره ياحامي الجار سرها واضح نجم لايح عمل صالح = وزنه راجح درسه ناجح حبك ابكل الأخبار ياحيدر الطينته انعجنت ابحبك = نفسه الولاكم طابعه ياحجة الباري طالب الإيمان شرطه =ايكون إله بيك اتصال ياعلي والجحد فضلك =صار إيمانه ضلال لاچن الينجح ابحبك= ناجح ابكل الأعمال اونوره ساطع گمر طالع ضيه لامع = ماهو فازع بالمفازع حبك ابيوم الأهوال ياحيدر او يخسر الينفصل عنك = صوچه ابنطفته اومرضعه ياحجة الباري ياعلي ذات الفقارك= راوه الأملاك العجب بالحروب اتطايرت= بيها خراطيم العرب اشلون ببنوده اتچتف =وانته چشاف الكرب لله صبرك يحامي الجار تهجع ابفگد النبي المختار ياحيدر تظل جليس الدار هاي حكمة اوسرها غامض = ياعلي اوللناس رحمه واسعه حلمك الصبر دليلك =من إجتك فاطمه امكدره او ساقط حملها= والضلوع امهشمه نادتك آنه الوديعه =وانته حماي الحمه تصبر او ضلعي ايكسرونه او بالسوط متني ايلوعونه الگوم او جنيني ايسگطونه صابر اوعتب الوديعه = ياعلي السباح گلبك گطعه ياعلي ابسطواك= تتحلم فراعين الدهر لون ما چان ابوصيته =ايگيدك سيد البشر چان ما سحبوك مچتوف= اوعالزهره انجسر اوماچان صاب الضلع بسمار اولا?ان وجت الباب بنار او هالنار إلها احتيت آثار ابكربلا حرگو مخيم ياعلي = اوهاي المصيبه الفاجعه لون ما يسگط يكرار= امن الزهره الحمل چان ما بالغاضريه= سهم يرمون الطفل اوسهم إبّدال الماي =يسجوه ابحربه امن النبل والطفل ظامي اويبس گلبه اوعينه اعله ثدي أمه تتربه اومن حرمله وافت الحربه هالله هالله اشلون حربه ياعلي = إمثلثه اوبالسم ناجعه لون ما تهجم يكرار= على الباب الجموع او ينكسر ضلع الزچيه= او تظل منكسره او تلوع چان ما بالغاضريه= ياعلي انرضّت اضلوع وابنك حسين انكسر صدره اودم طبره يتفايض ابطبره اوسوط الذي لوع الزهره فرع ذاك السوط بالطف ياعلي = والمتن زينب لوعه