عبقرية ألإمام علي (ع) «هجري» أظهرت للإسلام آية وجوده=من أسس إبراهيم قبلة الرسميه اتحير ابهالدين فكري= اوهمت بفچوج الأهوال وانظمت شعر الخيالي =اشما يوسع لي المجال لا تعارضني او تجادل =قصر إلسان الجدال خله عني وامتحني واخذ مني ابحسب ظني علم فني بالنظم نظم الخيال فن الشعر معناه نظم الخيالي=وابحب علي اكمال فكرة العقليه أسس إبراهيم دينه =من بنه بيت الجليل وارصده ابسر الولايه =اوصار إله حيدر دليل او من هذاك اليوم لليوم= ثبت دين الخليل يشع نوره ابضي سروره او مبني سوره او كل أموره او سر ظهوره ابسيف حماي الدخيل او منرصد هذا السيف بسرار حيدر = او حيدر رصد هالدين بسرار قدسيه فكري من عگب الخليل= اكتشف غايات الفنون شاهدت موسى او =عصاته ( تلتقف ما يأفكون ) او من غصت بحر الحقيقه= شفت كل شده تهون بالسجيه الجوهريه العبقريه الحيدريه للبريه اوجعل من صور الكون ابسر حيدر اومعناه حل الشدايد = او راسم لبن عمران خطة الفنيه اومن عگب موسى لعد =هالدين زم (عيسى ) لواه يخلق امن الطين طير= او لو نده ميت حياه استكشفت برج الحقايق= شفت تأييده اوحماه او ثمر ذاته ابطي حياته او زي صفاته اوحد ثباته او سر نجاته سر من اسرار الإله او سر غامض او مكنون سر الإلهي = إو حيدر حفظ معناه ابحكمه إلهيه كل نبي اختصت له آيه =او أيده ابماضي الزمان لون ياجاهل تردني= ابجهلك او صفق اللسان دوك جبرائيل إنشده= اوشوف حيدر وين چان من يخبرك شنهو عذرك لو ينذرك راجع أمرك صفي فكرك وخذ من عنده البيان واصنت له بالإيمان واسمع جوابه = وانته اتعرف ياصاح علته المخفيه الباري من كونه الجبريل= عرض له ابها الخطاب منهو آنه او منهو انته ؟ =او نورمن خلف الحجاب؟ اتلجلج إلسان الأمين او= ماعرف رب الأرباب من تحير منهو أظهر غير حيدر سر الأكبر إله اونوَّر فكرته ابرد الجواب لوما ( علي ) الجبريل يدرك نجاته=من علمه الأسرار وأسماء باريه يالتحاجج لو تگلي =هذا برهانك بعيد وين جبرائيل أشوفه =او من دليلك أستفيد ثبت ابگلبك الإيمان =تشوف اشما تريد بالهدايه اچسب الغايه او بالولايه للبرايه نصت آيه إبعلي كتاب ألله المجيد واعلم تره الإيمان حب الولايه = او حب الولايه بيه جاذبه العلميه من سطع نور الولايه= ابگلبي واكشف لي الستار عگب عيسى الدين شفته= لبس تاج الانتصار ابساعده سيف الجلاله= او مدرع ابدرع الوقار ابسر وقاره علت داره او سر عماره واقتداره وانتصاره ابسيف واسمه ذو الفقار والدين أخذ بالسيف زوده او تأيد = والسيف زود البيه من زود راعيه گام هذا السيف ينهي= او يأمر ابشفرة السيف او ينتقم امن الأديان =الخارجه او ياخذ الحيف گتله هذا الدين بيمن= شامخ او بيمن يخيف ؟ گال زودي او سر وجودي او حمه احدودي اوبحر جودي او غرز عودي بالشرف نعم الشريف او مرتفع راسي ابزود حامل لوايه=ساعد علي الكرار واشفار ماضيه نجح هذا الدين و=ارتاح ببو الزهره البتول اوگامت اخيول الفراسه= دون صيوانه تجول او حدر اكليل الجلاله =المالگاها ابكل رسول بنه اطنابه بالمهابه او حمه اربابه الحسد صابه او مضه اصوابه او ضعف فرعه والأصول ابفگد الرسول انصاب وامصاب حيدر= اوضعفت قوات الدين وانهدم عاليه عهدي او بالدين =مصيوب او يتطلب دواه ساعه لن الدين شفته =بالنصر واسع مداه گتله ياهالدين منهو =اصواب البگلبك براه ؟ گال ابو السجاد طيب اصوابي=يالتناشدني اسمع اجوابي اوشوف دم حسين صاير اخضابي= او آثار الأكبر هاي طبراته هالبيه گتله ياهالدين أشوفك= تنفجع من الأخضاب لوشفت عريس تبچي= أظن فاجد لك شباب صاح ماتدري ابيتيم= الحسن حط بيه اصواب هالشباب اشلون ينسه امصابه = گطعت چدي شفرة اصوابه معرس اومن فيض رگبته اخضابه = إوصيوانه ضل مغلوگ واشموعه مطفيه گتله ياهالدين أشوف =ابرگبتك نابت سهم صاح هذا السهم بي= طفل أبو السجاد انفطم اوماتشوف اشعملوا =الگوم الماعدهم رحم والطفل عالماي عينه تتربه = او جمرة اصوابه يبست گلبه اونار فوگ النار شعلت الحربه = وآنه السجتني اسموم حربة المسجيه گتله ياهالدين أشوف= ابهامتك ضربة عمود گال هذا اصواب اجاني =من سگط حامل الجود اوبگت روحي مثل عباس= على الشاطي تجود والعمود إلصاب هامة العباس = أثر اصوابه او فضخ مني الراس يالعلي والله انغدر راعي الباس = عيني انعمه او لا شوف النهر شاطيه صحت بالدين أشوف =ابگصتك صاير أثر گال هذا صواب الحسين= الصابوه ابحجر اوهذا سهم الصاب گلبه= اوصار مطلاعه الظهر وانسحگ صدري مثل صدر حسين = او مثل دم نحره ابفيض دمع العين اشما جره بحسين جره ابحال الدين = والدمع من عيناه ما نشف جاريه