(علي) أمير الحرب والسيف «شيعتي» روح القدس صاح للملّه مصباح حيدر أمير الحرب والسيف = ذات الفقاره گلي تنكر يافضيله= يالتجادلني ابعَلينه يعلن ابتفضيل حيدر= آمر الباري نبينه وفضل سيف الذو الفقار= ابساعد السله ابيمينه يالباسط السان الحسد = السياف والسيف انحمد بآيات من فرد الصمد = وبمعانيها اهتدينه واليهتدي ايكون يعرف المضمون من شرف حيدر صار تشريف = ذات الفقاره انچان للآيات فكرك= يها لجاحد ميحملها للحرب تاريخ دونك= والمعانيه اعتبرها كل صحيفة موت تلگه= سيف حيدر مستملها ابگلب الحرب رمحه رتع = صيوان لضيوفه رفع والزاد للضيف انوضع = والضيوف اتلم شملها والزاد الجسوم والماي الدموم والوحش ضيف ومشبع الضيف = ذات الفقاره خلي التاريخ عنك =واحچي بلسان السريره وخلي مرآت الأنصاف =اگبالك وشوف ابصيره وفلك يوم الكون شوف= الچان بالساعد يديره ماتلگه غير اللي شطر = مرحب وبن ود بالأثر وطوگ بالإسلام الخطر = واعترف حيدر اميره وبدم النحور سجل الدستور ألف أصول الدين تأليف = ذات الفقاره لو لبس ثوب العقاب =وحاكم ابعدله الملازم وساحة الميدان صارت =ساحة لرباب المحاكم سمرى التحقيق حبره =ادموم واقلامه الصوارم تنفيذ قانون العدل = بفروع دينه والأصل بالسيف حيدر يبتهل = وابتهال السيف حاسم بتصديق الإسلام عد شرع الأحكام يتقدم الشاهد التعريف = ذات الفقاره ها يجاهل فضل حيدر =صد لعند الجاهليه وانشد الأصنام من اللي =بطش بيها الوطيه وشوف منهو المزج روح= الدين بجسوم البريه ولوچان إله السان الهبل = چا گال تباً للجهل حي على خير العمل = وياخذ الحيدر تحيه تصوير طاعات بحروف آيات وكلف الناس الطاعه تكليف = ذات الفقاره ثلث آيات بفراسة= حيدر اتجلّت ابحكمه ثبت إلدعوة محمد ساعده= وصارمه وعزمه من سماء الغضب حيدر =نزل على الأصنام نقمه والكعبه تشهد له اشصنع = كسر الأصنام ابورع بموضع يد القدره انوضع = والد السبطين جدمه ياصاح يكفيك لو بعد انبيك نظف اركان الكعبه تنظيف = ذات الفقاره لو عبس جو الحرايب =من سنان النار يلهب اعتقد رب الفراسه =من عزم حيدر تهرب وإبسيفك الخيل التعگر =ملها بالميدان ملعب وبوجه حيدر من يكر = تنفتح جبهات النصر وبالسيف إله آية طبر = منها الأملاك اتعجب والسيف عنوان بارز بالأكوان نشف انحور الزلم تنشيف = ذات الفقاره چني ابحل المشاچل= من يمين الفتح خيبر وچنى ابحيدر وشوف =اشما يندبه المحب يحضر اشلون ما يحضر الزينب =من خدرها ابنار وجر من اطلعت من الخدر مذهوله = مهجتها من حرگ الخيم مشعوله صدت لعد وادي الغري المدلوله = صاحت ومدمعها فجّر بمخيمك نار وجت يكرار وين اليطفى النار بوحيف = ذات الفقاره هاي صيحه وبعد صيحه =ساحت او فجر دمعها الخيل هاي الخيل أجتنه =وين اليسدر فزعها واعتنت مصرع حسين =وحنت لبن امها ضلعها ماشافت من حسين تحصل چاره = ولابيه روح اللي ترد الغاره وصدت لبوها الميتجفل جاره = واليلازمها ورعها وتنادي چاوين نجدت الدارين وين اليريب الكون ويخيف = ذات الفقاره اتگوم من يم جسم تگعد =يم جسم معلن نداها والأجساد إعله الوطيه= اتموج گامت من بچاها ومالگت چهف اليلمها= ولاحمه اليحمي حماها الله يازينب اويا غربتها = ماحره ضاعت بالدهر ضيعتها صدت لبوها وتشتچي حالتها = وبچت الأرض وسماها تنتهض وتطيح مذعوره وتصيح وين الينصف الزلم تنصيف = ذات الفقاره وعالنهر موقف الزينب= ماگلب يحمل ونينه لگت للعامود ضربه= براس ابوفاضل العينه نست گطع أچفوف اخوها= ونست سهم الصاب عينه صاحت هنيه يبن ابويه النومه = وصدت لعد وادي الغري المهضومه وتصيح وين الماضيات اعلومه = والفلك دار ابيمينه بالطبر لو جاد من أصل الأجساد وين اليجرف الروس تجريف = ذات الفقاره