يا أبا الحسن «شيعتي» صفينه يابا الحسن صفينه بالآخره إو دنيا إحساب = ما إلنه غيرك طلاب يا بالحسن صفينه ياعلي نشئتك حكمه= واحنه بالحكمة اهتدينه واشرعت نهج الإمامه =واحنه عالمنهج مشينه انفرشت احجور الولايه= أوبيها عالفطره ربينه من ساعة الگالوا بله = امواليك ياعقد الوله واللي يضدك ضد إله = والأملنه امحققينه تدرينه ما نختلف تدرينه منك إلك مو أجناب = بالآخره اودنيا احساب يا با الحسن صفينه نفذت بينه العقيدة= أمر مرسوم الرساله او نعترف محكم =كتاب الباري قانون العداله اونور هادينه هدانا= إو ماركنّه للضلاله او لا نمشي بدروب الجهل = ثابت جد منه إمن الأزل حيَّ على خير العمل = ياعلي بيك إتصاله صافينه ماينخبط صافينه صفانه رب الوهاب = بالآخره اودنيا حساب ياابا الحسن صفينه واحنه من فاضل الطينه =الزكيه طينتكم خلقنه السابقون انتوا ابرحمته= واحنه بالرحمة التحقنه او من مواهيبه وهبنه= الكم اوبيكم عتقنه وانتوا الفرع وانتوا الأصل= واحنه ابولاكم نتصل ياعلي اوبيكم نبتهل = او عاليحاججنه سبقنه ايحچّينه منطقكم ايحچّينه اولا نختشي اولا نرتاب = بالآخره او دنيا احساب يا باالحسن صفينه ساعة التصفيه الوادم= للحساب ايقدموهوم اوتذكر الآيه ينادي= هاتف القدره قفوهم او عن مراسيم الولاية= للخلگ من يسألوهم إحنه ابولاكم نعترف = ابسيماء حبكم ننعرف ولعن ولاكم تنحرف = بالسلاسل يسلكوهم اينجّينه يالحبك اينجينه من السعير اللهاب = بالآخره او دنيا احساب يا ابا الحسن صفينه إثلث معاني جوهريه =الباري للهادي ذخرها إلكوثر وفاطمه اوروحه= إبسر لواء الحمد سرها ياعلي وانت الحظيت= ابفاطمه او منك ثمرها وانت الذي ابيوم الكلف = ترفع لوه الحمد إويرف واعله التودك تنعطف = وانت تتسلم أمرها تسجينه من كوثرك تسجينه إبچاس الموده الجذاب = بالآخره اودنيا احساب يابا الحسن صفينه إلك يابا الحسن وگفه= عالصراط إبنَص محمد راية الإسلام بيدك =والها بالميعاد مشهد إتقرب القره الباري= والبعد عنه ايتبعد إوصك للعبور إتسلمه = للخدم عترة فاطمه وانشا الله ابها الغانمه = اسم كل مسلم تقيد طبينه ابدار الخلد طبينه لا مانع ولا حُجّاب = بالآخره ودنيا احساب يا با الحسن صفينه ياعلي ما مثل مجدك =مجد بالعالم ترفع إختارك الباري الحبيبه= خيره من الكون أجمع او صار ميلادك أبيته اوصار= إلك بالبيت مصرع سيف ابن ملجم من طبر = راسك صبغ شيبك حمر الله من سهم الگدر = گلوبنه بيه إتگطّع مض بينه سهم الگدر مض بينه والصوبك بي ننصاب = بالآخره او دنيا احساب يابا الحسن صفينه