يا علي نحبك ولا نبالي «شيعتي» يفاروق الديانه إلك عدنه أمانه عهد من عالم الذر هذا مضمونه = نحبك لو عله حبك يگطعونه يفاروق الديانه يا علي من ثمر حبك= طابت إنفوس البرايه إو من تطيب النفس تشعر= جاذبة حبك هدايه إو جوهر ألإكسير فضلك =ما ترك للمحب سايه من عالم الذر إنعرض = حبك إو عالناس إنفرض والجاثم إبگلبه المرض = ما يقر لك بالولايه عله عهدك ترانه إو نقدملك ولانه وسام إبجبهة المؤمن تعرفونه = نحبك لو عله حبك يگطعونه يفاروق الديانه يا علي صارم ودادك= گطع گلب الجاهليه والملك حبك دليله= ملك حب ألله إو نبيّه تأفل إنجوم الموده =إو تطلع الشمس المضيه وإحنه عله عهدك نزف= بالحب عقايد تنوصف إو منضيّع إبحبك عرف = نحمل إبحبك هويه هوية حب إمامه إو مكاسبها الكرامه يبو حسين إو أهل بيتك يكرمونه = نحبك لو عله حبك يگطعونه يفاروق الديانه يا علي المرآة حبك =جوهرة فضلك (تسجل) صورة تعكس للرساله =والجلال ألله مشعل والصور تعكس معاجز= والشدايد بيها تنحل إوگلب الموالي يبتشر = إبنورك ينبراس الفكر إورددت حبك بالشعر = إو حبك إمن الشعر أجمل إو عله إبيوت ألأماجد مشينه إعله المقاصد وصلنه إو سادة العالم يحبونه = نحبك لو عله حبك يگطعونه يفاروق الديانه يا علي عشاگك إحنه= إو يرعه كل عاش رقيبه إو كامرات الحب تصور= صور للعاشگ غريبه إو ذكريات الطيب تجمع =بين محبوب إو حبيبه وإحنه إبولائك نتصل = إو ما نگطع إحبال الوصل والفرع يرجع للأصل = والفته إيجيبه حليبه إبثدايه الحب رضعنه إو عله الفطره نشأنه وأهلنه چانو إبحبك يغذونه = نحبك لو عله حبك يگطعونه يفاروق الديانه يا علي گلب الموالي= ورع ما يسمع ملامه مدرع إبحبك إو حبك= للعذل يشگف إسهامه والعگل هايم إبشوگك= مغرم إو مشتد غرامه والعگل لو هام إبرشد = يتسنم إبذروة مجد إو عن ثمر حبك ما يصد = إو لا يهد حبل التزامه إلتزمنه إبحب علينه إو عله سنة نبينه ننادي والملك بسمك ينادونه = نحبك لو عله حبك يگطعونه يفاروق الديانه خل يعاذل روحي خلها =إبروضة الحب مستراحه لو گلت مجنون حگك =لاچن إجنوني فصاحه ما تگلي يا فصيح إلما= يشم ورد الملاحه زهرة مصابيح ألأمل = حيَّ على خير العمل لا حيه إبديني إو لا خجل = والمحب يحچي إبصراحه يبو حسين إقتدينه إو عله حبك بنينه عهدنه والعواذل خل يعذلونه = نحبك لو عله حبك يگطعونه يفاروق الديانه يا علي إو ساعة البيها =تشخص أبصار البريه ناس تدركها الشفاعه= إو ناس بجهنم رميه وإحنه نعبر عالصراط =إبلا عريضه إو دعوتيه نمشي إبشفاعة فاطمه = إو صك العبر نتسلمه منك يحماي الحمه= إو ندخل الجنه الزهيه إو لا مانع يصدنه إو لاحارس يردنه إنتقابل عالسُرُر والسرر موضونه = نحبك لو عله حبك يگطعونه يفاروق الديانه يا علي شيصير= گلب البيك متعلگ وداده لو سمع شيبك تخضب= إو خضبته إدموم الشهاده وإنجسم راسك إبطبره= ما ثبت بألله إعتقاده سيف إبن ملجم صوبك = وإبفيض دمك خضبك ياعلي إو ربك قربك = إله إبمحراب العباده يبو حسين إنفجعنه ولا ينشف دمعنه إو عله إمصابك محبك تهمل إعيونه = نحبك لو عله حبك يگطعونه يفاروق الديانه