الفقرة الرابعه عبدالطاهر الشهابي عاهدنا بالدم=وكتبنا فوق الرايات بشعار محرم=نصرخ للذلة هيهات ! لبيك يا حسين .. لبيك يا حسين .. أشوفك يا زماني ويا مكاني=انته ناري وانته جناتي وأكحل ناظري منك يا غالي=تنتهي بحبك معاناتي أحبك يا سبب عمري وحياتي=عاشقك يا معلي راياتي معاك انولدت أحزاني يا صبري=باسمك تعلت صراخاتي أنا من .. أشرب الماي=يشتعل شوقي وضرامي يا ظامي .. ياللي مثله=ما شفت في الدنيا ظامي على حبك يشوف البسمة قلبي=وبرحابك قرة عيوني على حبك نسيت أحزاني كلها=سيدي وما خابت ظنوني قصدت لماتمك ودموعي تهمل=وانته بين رموشي وجفوني ومن قالوا عفير على الوطية=قلت إله في كربلا اخذوني على حر .. الأسى أقعد=وأعاين هالمصيبة وطف ال .. فاجعة من=قلبي ألواني قريبة انته اللي بأصحاب الوفا حبك جمعنا .. مثلك يغير في الخلايق ما سمعنا .. من نهوي يوم وننكسر حبك رفعنا .. لو ما هواك وماتمك في الدنيا ضعنا .. ماتمك مبني بقلبنا وانته تنظره يفتح جنان العلا لو مدمعه جرى رحمة الله الواسعة يا منقذ الورى الدنيا ما تسوى بدونك ياللي عالثرى يمكن ما ندخل جنة الباري المنيعة .. لكن دمعنا ضامن الرحمة الوسيعة .. من تقبله وتتقبله الزهرا الشفيعة .. لا تبخلي بدمعج على الظامي يا شيعة .. لا المشاهد تنمحي من خاطري أبد وانته دامي بلا غسل مرمي ولا لحد والعدا تحوطك وليها نجهل العدد طاعنة بسمر وهنادي وفاضخة بعمد الكرامة والكرم منك يا بو الحمية يرسم البسمة هواك على المحب بهية انته فتحت القلوب المظلمة العمية ياللي من حبه عرفونا شيعة رافضية ! فلا جنة تبقى بلا حسين=نهلها إلك دمعة العين مع الأنبيا بمر السنين=ننادي مع الزهرا يا حسين انته كل شي في العمر يا عزنا يا أملنا وحدتك في الطف يا غالي جمعت شملنا لو ما حبك في القلب جان ابتدا فشلنا يا غريب انته اللي في الغربة إجى وكفلنا أبد جنة دونك ما تنداس=بلا حسين والأكبر وعباس تضوي بدياجينا نبراس=يا تاج الملا وسيد الناس من صغر حياتي وأنا بمصابك أرضع المآسي جسمي بترابك منخضب يا دامي فكري بصوابك كل أمل في عمري أوصل أعتابك منهو إليا إذا عذبوني .. منهو يضمني إذا غربوني .. منهو الهداية إذا ضللوني .. منهو الكفاية إذا يحرموني .. يا من لو لحظة وحدة ما قلت اسمه أحس الموت مني يقترب همه أحب عمري لأنه في العمر بسمة حياتي ليل من دونك يا بو اليمة كل ذكرياتي .. دونك ترى هموم=كل أمنياتي .. بقلبك يا مظلوم روحي روية .. بحبك في كل يوم=ياللي من الماي .. والقطرة محروم