شعراء أهل البيت عليهم السلام - أسولف بيك

عــــدد الأبـيـات
28
عدد المشاهدات
2731
نــوع القصيدة
عامية
مــشــــاركـــة مـــن
تاريخ الإضافة
11/07/2011
وقـــت الإضــافــة
4:20 مساءً

انا بكل ساع اسولف وابتشر بيك=أنا القرآن اصير بساعة احجيك دمعتي وفرحتي يحسين جبريل=ولهفاتي وحي ودتني اعليك صرت فرض المحنه وإسمك اوذان=توضيت بدمعتي وجيت اصليك وعلى إسمك زرع ارزعهه لحروف=وتِخضر كل قصيده يمرهه طاريك إذا اربع حروفك شدت الكون=إذن ويه الوجود احچي من احاچيك گلت بين الجفن والعين يحسين=جمالك صوره مرسومه بمعاليك نبض شلتك تدگ وتخفگ براح=شكثر اشتاگلك وبنبضي الگيك أنا بلياك تايه مالي عنوان=وهويتي عله الشمس ساعة الاگيك صرت عبدك وعبدك يبگه سلطان=أعوف الدنيه كلهه وما اخليك أنا الخادم وعبدك وآني ممنون=وسجلني بسجلك ( عبد لحسين ) عفت كلشي وردت بس أبقه وياك=تحت جنح الخدامه أهمل العين أنا من اسمك عرفت اعلوم لوزان=وقوافي شعري بصدور الموالين أمَشي عيوني من طرواك زنجيل=وحزني القامه والدم نوح وونين أصب الماي بالماتم بلبيات=واسوي للدمع بخدودي شطين على عمري ردت عمرين ورجواي=واظل خادم إلك يحسين للبين أنا بميلادك أصبح طشة ورود=واذا جيت اقرا إسمك أنتثر عود عطر بنفاسي حين يمرهه طاريك=أحس كل حرف انطقه شدة ورود وانا بعشره ايديه اشعل شموع=أحن لمن يجي شعبان ويعود قطار من الفرح والسچه طرواك=يسابگني الحنين ولهفتي تزود القصيده بمولدك تتحجل ورود=واشوف ابياتي صارن حمرة اخدود سلاسل من حرير ابياتي اتصير=وقلاده هالقصيده مْلَبَّسَه الزود أهو شنهو الشعر لو منته يحسين=ولا غيرك صُبح للشعر مريود ( لِذا عذرا رجاءا شاعر النيل=نُبَض گلب الفرات ومالك وجود لقصيده لما گلبها ينبض حسين=فقيره ومنجل الأيام حاصود أجي كلي فرح لو مولدك صار=بعاشورك تلفني ثيابي السود إذا نادى المنادي وصاح يحسين=اَخْتِلِطْ فرحه وحنين ومدمعي يجود بضمايرنه أصيح بصوت ياسين=واظل منظور ارد لزغير اردود ألف شاعر اصير بيوم ذكراك=وإذا انعاك اصير بألف رادود
Testing