آزرينا=يا سماء الخلود و انصرينا=ضد زحف اليهود زينب الكبرى =باركِ الثورة *** نعى الموت الله يا روح=تالي الجروح تالي هالغربة تروحين و انتي وحدﭺ=منهو عندﭺ ينفطر ﮔللبة وحيده ساعة البين=عزوتﭻ وين حالتﭻ صعبة مثل ما ﭼنتي بالمحنة تودعيهم=غريبة لازم الليلة يودعونﭻ مثل ما وصوا و عشتي تسمعيهم=عجيبة ماجو الليلة يسمعونﭻ لو أنهم حضروا الساع=بس للوداع هملوا العبرة يشوفون زينب شلون=عافت الكون تجذب الحسرة مصيبة و يا مصيبة=اشﮕد عصيبة ألضى من جمرة بعد خلوﭺ وما حنو للموادع=ولا ايد تمسح عليﭻ بمحنتها و لا ﮔللب اعتنى و بلهفة سارع=من بعيد زينب يشاركها محنتها سلام الله على القلب الصبور=فايض بهمه ﮔبلل لا ينﮕضي بحوله يدور=ما أحد يمه وحيده من الصغر والله وحيده=يا عقيلة لحين الموت و أحبابﭻ بعيده=يا عقيلة شهيده انتي في عين الله شهيده=يا عقيلة العمر هذا الي مثلﭻ ما يريده=يا عقيلة تذكرين الزهراء يوم الدفعوا الباب=و انتي يمها معتفر ﮔللبﭻ بالاعتاب تذكرين المرتضى من راسه انصاب=و انتي يمه و الحزن شلتينه محراب و الحسن يوم الي ودع ﭼنتي يمه=و الحسين بروحﭻ العاينتي جسمه هذا قدامﭻ مرد دلاله سمه=و هذا بعيونﭻ نزف من نحره دمه كل واحد منهم يرحل=يهديﭻ جروحه و انتي ردتي الحﮓ من أول=انتي المذبوحه عندﭺ موقف يتمثل=ما يهدأ نوحه عباس بﮕللبﭻ وشحل=من راحت روحه مو انتي الموجوده=يوم العاف زنوده و الوقت الي السهم توجه و تمركز وسط العين انتي الما عفتينه =و ردتين تحملينه و تحيرتي بمصرع عباس و من بعده حسين فات العتب يا ريحة الزهرا=و حانت يا زينب حانت السفره روحي بديل الما نفذ صبره=روحي و بأمان الله يا متحيره عليﭻ الونين من العاشﮕين=يا بضعة علي يا مرسى الحنين يا رفع الجبين و عزنا الثمين=عليﭻ بألم أبد نادمين ما ننسى زينب يا ليالينا=خلت عمرها و ما تخلينا زينب وحدها اللي تسلينا=و على الصبر حبها اليدلينا أبد ما تهون يَهل تسمعون=مثلها جرح صعب ما يكون زمنها خئون دمعها هتون=و رغم الأسى ﮔللبها حنون