الإمام موسى بن جعفر (عليه السلام) يا موسى بن جعفر ياكظيم الغيظ=يرافض للمذلة ورافض الطغيان يل سيرت حياتك خلت التاريخ=عنك يحچي من يومك لحد الآن يراهب آل هاشم والسجون إشهود=على عتبة سجودك تنحني الرهبان في وقت السحر ساعة هدوء الليل=قيدك ينفتح من تقره بالقرآن بشر الحافي كلماتك تجارن بيه=تاب.إنته إعله إيدك خالطه الأيمان وذيج الجارية الشكت جبينك ذيج=موقف لا ابد ما فارك الأذهان لمن رتلت والكاظمين الغيظ=كظمت الغيظ كاظم يارفيع الشان ومن كالتلك العافين عن الناس=عنها انت عفيت ومن كلب ولسان والله يحب المحسنين بصوت=كالتلك لأنك انت أبو الأحسان كلتلها انت حره انتي ولوجه الله=وركعات الشكر صليت للرحمن يا عاتق عبيدك قربة لله=قدمت العمر للخالقك قربان وموقف بيه صعقت وأذهلت هارون=موقف هذا أشد من موقف الثعبان من كلك ارجعلك فدك هارون=وأعتبرن المضن من عالم النسيان جاوبته اريدنها بحدود اليوم=كلها وما أريدن بيها أبد نقصان كتله بحد فدك أفريقيا وللصين=ومن ساحل عدن حدأقصى اذربيجان وهارون بظلم أعلن عدائه إعليك=وإنته إعله السجن علگته هالعنوان مو أني اللي إيده إتصافح لهارون=آنه أبن الذبيح المنذبح عطشان يمطوع الصبروالصبر لايذ بيك=يمفصل الصبرتفصال عالأبدان يا صابر صبر شابه صبر أيوب=مثلك ما صبر وسط السجن إنسان من سجن لسجن بيك إنت يتنقلون=كل سجن النطب بي نلگه إلك تبيان ونلگه بكل ركن ياموسى إسمك نور=وذلة ساجنك نلگاهه عالبيبان لينتوا الحديد إتلين لداود=ما تصعب عليك إتلين القضبان لچن لجل التعبد تدعي دوم إتريد=يفرغلك مكان الخالق الديَّان موسى إنته نعرفك ما تذل مولاي=وما تگدر تذلك لا إنس لا جان يل تسئل گلت منهو إنتصروالفاز=يا هذا بسؤالك مخطئ وغلطان لا تسئل بشرلا تسئل التاريخ=إگصد للسجن وإنظرعلى الحيطان تلگه بخط عريض إعله السجن مكتوب=موسى أول سجين إيركع السجان