لوكنت تدري يا عزيزي بيه اشصار =ما صدقوا تْموت حتى دشوا الدار
ضربوا وْعصروا واشعلوا يا بويه النار=او حيدر علي قادوه وتشوفه الأنصار
غصبوا حْقوقي يا يبه وْعيني الطموها =حتى اضلوعي يا رسول الله كْسروها
هذي بضعتك من ظلمهم روّعوها = واما الوصية يا عزيزي ما رعوها
آني البتولة الطاهرة يّكذبوني = ما قصروا بيه العدى يوم لفوني
آني العزيزة يا رسول الله سْقطوني = حتى البكا يا ياب الأوغاد امنعوني
قطعوا الأراكة يا يبه لقعد بالظلال = ظليت في حر الشمس ويّاي الأطفال
قاسيت من بعدك يعزي كل الأهوال = يومي بعد يومك ينور العين لا طال
12/2004
عــــدد الأبـيـات
8
عدد المشاهدات
2530
تاريخ الإضافة
07/05/2011
وقـــت الإضــافــة
9:32 صباحاً