شهﮒ وجه الصبح بركان الاحرار=ودفﮒ غيض العدالة بيومه وأحتد وهدر صوت التحدي اليطلب الثار=سحﮒ حد المناية وبالنصر رد تنشّﮒ سيف ابو اسحاق امن الﮒراب=ولمع لمن سمع ياثار الحسين رفض لمن يصل بالحومه يرتاب=ويذل كل مدنف بحد سّنة ويهين قسم يتبارﮒ اشما حز بالارﮔاب=ولانصلة ايتخاذل ينثني ايلين يريد ارض المعاره اتيه الاحساب=يحيرهه اشكثر صارت مطاعين يشد عزم اليحملة ويفني الاشرار=غضب يتلضى لاهيهات يبرد لأن يدري اليحمله أيدوس الاخطار=توزر غيرته وصلى وتشّهد شهﮒ وجه الصبح بركان الاحرار=ودفﮒ غيض العدالة بيومه وأحتد تلضت نار ابو اسحاق امن العيون=وتحزم بالعزيمة وغيرته أسلاح ضميرة أيﮔله ثار حسين مرهون=غدة ابسيفك ترد حﮒ ذيج الارواح تذّكر خيرة اصحابة اليحامون=مثل سد والدرع صار الطرمّاح تصوّر كربلة ولمن نزل جون=يصد صدرة السهام وذيج الارماح رفض يتهاون ويتﮔبع العار=تبرﮔع بالفخر والمجده شيّد على اسم الله ورسوله اتوكل وسار=طفح طوفانه لاﭽن ماجزر مد شهﮒ وجه الصبح بركان الاحرار=ودفﮒ غيض العدالة بيومه وأحتد رفع بيرغ خفﮒ مابين الاعلام=وغده المختار يرسم نهجة ويذود دخل سوح المناية ورافع الهام=غضنفر ماتسد صولاته السدود لبس ثوب الولاية وكبّر وقام=تله الحمد ومضه امشمر للزنود مضة ويستعرض افنون الحرب ﮔام=وابد ماحدت المختار الحدود رسم صورة فخر واعظم مثل صار=غده ابلحن الخلد اسمه ايتردد وشرب من كوثر الباري اوية الابرار=حضة بصك حيدر ورحمة محمد شهﮒ وجه الصبح بركان الاحرار=ودفﮒ غيض العدالة بيومه وأحتد خيّال ولﮔد مهرة اعله الامجاد=يثار حسين ناده ابهالعبارة نكر ذاته وحسم هالموقف وشاد=صرح يتأملة وطال أنتظارة يصك من ناده بالحﮒ سمع الاوغاد=او ولا واحد ﮔطع دربة ومسارة خطة ابجدم الثبات ونال المراد=نصبهه المحكمة بقصر الامارة فضح روس الظلالة وذيج الاسرار=كشف وجه الحقيقة وللظلم هد وبزغ نور العدالة ابين الانوار=يشع للآخرة وهيهات يخمد شهك وجه الصبح بركان الاحرار=ودفﮒ غيض العدالة بيومه واحتد