ابْكل مأتم انحظره=تتجد الذكرى نذكر مصاب احسين=بالدمعه و الحسره انا ابن المأتم او دمعي أخطَه ابْرمشي عالخدين و اصيح ابْكل عزا و الطم و انوح اويْه الحُسينيّين أحُد چن كربله ابْعيني او مُحرّم عندي ابكل حين صَفيّه ابْعيني چن زينب , او حمزه ابْعيني صار احسين لو تنظراشصاير=من گلبي الحاير كل ليله تحسبها=چن ليلة العاشر ابسبب حزني اعلى بو الاكبر و سيل اجروحي الما جف حتى الحمزه حسّبْته شهيد او مات يوم الطف و إذا أنظر رسول الله ابْمحمل عمّته يلتف أذكر عمّته السجّاد سبيّه او ركْبت العجّف چي عمّة المرسل=بالهيبه عالمرسل اوعمّة علي السجّاد=مچتوفه عالهزّل و إذا گالولي حمزه اهنا مات او گطّعو جسمه ما ظل بالفله مطروح ثلاثه او غسله من دمّه ولا ظنّي ابروايه اتگول رسول الله إجا او لمّه مثل ما لمْلمْ السجّاد بقايا جسْم ابو اليمّه و ما ظن بگى للليل=عاري او بلا تغسيل عم النبي ما ظن=جالت عليه الخيل نعم حمزه مصابه امصاب هزّ العالم ابْأسره و على جثته انزلت لمْلاك تنوح او تنتحب كتره و كل الكون هالليله لأسد ربنا جرى العبره و شنهو لو ينِدبّه الكون , يكفي ندْبِته الزهره وزينب لون تدمع=حسرتها ما تطلع اشلون البچي و النوح=وسوط الشمر يمنع ابأحد گالوْ رسول الله جعل فوق الجبل حُرّاس رُماة انعدّو ابخمسين من خير البشر و الناس لچن وقت الغنايم ضل سعيهم من حچي الوسواس يريت اويه العساكر چان لازم نبْلته العبّاس ايلوگ الرَمي ابزنده=جيش العدو ايرده لو بس بگى العباس=فوق الجبل وحده