وإشهد إنك علماك إنت الحسين = ألف باب وباب من المعرفه وإلك من كل باب يفتح ألف باب = يعني علمك أنت علم المصطفى شي طبيعي هاذ لنك بالدعاء = وي إله الكون تدعي إبفلسفه ما نكدر نوصفك بالشعر مولاي =وكل أهل الشعر ما ظن يوصفونك أنت إبن الحسين وجدك الكرار = لازم عالورق أحمد يكتبونك لأن كلكم محمد كل زمن كل جيل =ما تكمل الثورة وتكبر أبدونك من كثر السجود إملقب السجاد = وزين العابدين الكل يسمونك على الأيتام تفتر من يجن الليل = شايل ليلهم شفناه على إمتونك يا صاحب قناع الأسود المجهول = بس لمَّن متت كشفوه مكنونك يا جف الكفل كل العبيد إهناك = ما يوم الفرغ من زاد ما عوونك يا حامل هموم الثورة والأيتام = ياستر الحرم من سارن إضعونك والشام البغيض وزمرة أهل الشام = تقبل باللي صار وترضه يردونك ضنهم بالكذب والزور والبهتان = يوكفونك وابد لا ما يوكفونك رغم إعلامهم ياسيدي إيعرفون =إنت إبن الحسين وما يجهلونك ما رادوا أبد تصعد على الأعواد = تشرهم عالحبل بالشام يدرونك كوموه المؤذن مو لجل الآذان = رادوا يا أبو الباقر يسكتونك مايدرون صوتك إنت صوت حسين =ولا للذل شعارك ما يذلونك يا موسى زمانك ما عِزت هارون = زينب الأصبحت بالشام هارونك أشهد إنك إنت زين العابدين= هاللقب كل الخلائق تعرفه وإشهد إنك علماك إنت الحسين = ألف باب وباب من المعرفه وإلك من كل باب يفتح ألف باب = يعني علمك أنت علم المصطفى شي طبيعي هاذ لنك بالدعاء = وي إله الكون تدعي إبفلسفه