عيدية صبح لاتامن ظهرك بشحة امان=وخلي عين اللي تحذرك من وراك من يجيك الخنجر بوجهك شريف=بس نذل جف اليطعنك من كفاك دروس علمنة الزمان واحنة كون=نميز الشيطان من وجه الملاك ويارسول الله محمد هالزمان=راد اسمك يوكع ابير الهلاك واني اشوفك سمة ومليانة اباء=اتطيح كلهه وانت ماتوكع سماك وفوك وجهك اقرة ايات الخلود=وباذن كل الشوارع ضل صداك انت ماتقرة نعم بس من قريت=صرت اية نور والاعمة قراك جنت توكف حتى كلهه تلوذ بيك=وجوة ضلك كعدت الدنية بحماك وامن الخايف لان ضلك امين=ثاري مو ضلك طلع حيدر وراك! ولان ايام اليتم مرت عليك=وجان يعلم ربك وبيهه ابتلاك من يمر العيد يم باب اليتيم=تصير عيدية صبح وتكلة هاك وانت جبرئيل لمن مر عليك=وبوسط غار العبادة من اعتناك كالك(اقرا)سلام ك للاله=يامحمد ربك اوحة واصطفاك والحقيقة بالعبادة انت اعتليت=وبالحقبقة انت الرحت مو هو اجاك هو اجاك بيوم حاطوك الطغاة=بيوم راد السيف يشرب من دماك وكف يم الغار مد جنحانة ليك=سوة جنحانة درع بيهن فداك جناح بيه سوة نسيج العنكبوت=وحول الثاني حمامة وبيه حماك واثق العيساوي