جاوبنة يمحراب؟=جرح العرش ما طاب؟ شنزف من راس الاسلام؟=دم لو نهر ايتام ؟ جاوبنة يمحراب؟ عيون زينب بدأت تسئل=وشهرت سيوف المدامع اشلون ظل جامع الكوفة=مننطبر راس الجوامع؟ اشلون ابن ملجم بسيفة=لاح هام السمة السابع؟ مافزعوا اصحاب الكهف؟=وما سئلو الدم النزف؟ دم علي لو دم الشرف؟=لو محمد دمة طالع؟ دم هامت علي يسيل؟=لودم جنح جبريل؟ يادم على التربة؟=اسرى الى ربة؟ جاوبنة يمحراب؟ الدين والقران وانت=يمحراب بغير هامة والصلاة صارت يتيمة=مننطبر راس الاقامة السيف بسمار وتنبت=بنص ضلع يوم القيامة ودم حيدرة ويا سجد؟=لو للسمة السابع صعد؟ والقل هو الله احد=حروفهه طاحن يتامة علي نعرفة يد الله=اشلون السيف ارداة؟ وشيقنع المساكين=غير جفوف ابو حسين جاوبنه يمحراب؟ يمحراب شحال زينب؟=والخبر من وصل ليها؟ شكد لطمنة اشكد بجينة=كطرة ما نوصل بجيها واهي تحس بفكد ابوها=السمة طاحت عليها زينب كلبها مننصدع=من جفونها سال الشرع وماظل نجم الا وكع=اهتزت الكاع لنعيها وعلي من وصل ليها=ونزل دمه بديها السبية خذوها=شحاجت جرح ابوها؟ جاوبنة يمحراب؟ على ايدك سيف جانت=واهي عش لكل حمامة تكتر الفقار منها=والخبز تشهر حسامة تخوض حرب الجوع وحدك=تنصر بطون اليتامة يل شبعت سيفك نصر=مو فقط بحروب الكفر الجوع منك يحتضر=خلافك تردلة السلامة اليتامة خلافك تلوع=ويرجع نهر الدموع وعلى نحر المظالم=ياهو اليسل صارم؟ جاوبنة يمحراب الشمس تشرب من جبينك=كل صبح تذبح ضماها تزيح جنت الليل عنها=بجفك تردها لسماها ياعلي هسه شنكلها ؟=لو الك يعطش ضواها؟ لو نشدت بلهجة فجر؟=ودموعها بحركة تدر ما تقنع يضمك كبر ؟=وانت جفينك فضاها علي من كبر هالكون=اشلون بلحد مدفون؟ السؤال يدور للان ؟=بكبر تندفن اكوان؟ جاوبنة يمحراب؟